ନୟାଗଡ ( ଆୱାଜ ମିଡ଼ିଆ ) – ମମତା ମହାପାତ୍ର : ବିଧାୟକ ଅରୁଣ ସାହୁଙ୍କ ନେତୃତ୍ୱରେ ନୟାଗଡ ନିର୍ବାଚନ ମଣ୍ଡଳୀରେ ବିଶାଳ ଜନସମ୍ପର୍କ ପଦଯାତ୍ରା ! ନୟାଗଡ ନିର୍ବାଚନ ମଣ୍ଡଳୀ ର ନୟାଗଡ ବ୍ଲକ ଏବଂ ପୌରାଞ୍ଚଳକୁ ନେଇ ନୟାଗଡ ବିଧାୟକ ଅରୁଣ ସାହୁଙ୍କ ନେତୃତ୍ୱରେ ବିଶାଳ ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି ! ଏହି ଜନ ସମ୍ପର୍କ ପଦଯାତ୍ରାରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ବେଗୁନିଆ ବିଧାୟକ ପ୍ରଦୀପ ସାହୁ, ରଣପୁରର ପୂର୍ଵତନ ବିଧାୟକ ସତ୍ୟ ନାରାୟଣ ପ୍ରଧାନ, ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ, ଭାପୁର ବ୍ଲକ ଉପାଧ୍ୟାକ୍ଷା ସାବିତ୍ରୀ ପ୍ରଧାନ, ନୟାଗଡ ବ୍ଲକ ଅଧକ୍ଷ କିଶୋର ସାହୁ, ଓଡଗାଁ ବ୍ଲକ ଅଧକ୍ଷ ଲୋକନାଥ ସାହୁ ଙ୍କ ସମେତ ନୟାଗଡ ବ୍ଲକ ର ସମସ୍ତ ଜନ ପ୍ରତିନିଧି ଏବଂ ପ୍ରାୟ 12000 ରୁ ଉର୍ଦ୍ଧ୍ବ ଦଳୀୟ କର୍ମକର୍ତ୍ତା ସାମିଲ ହୋଇଥିଲେ । ବିଧାୟକ ଓ ବିଜୁ ଜନତା ଦଳର କର୍ମକର୍ତ୍ତା ସରକାର ଙ୍କୁ ମିଛୁଆ ସରକାର କହି ସମାଲୋଚନ କରିବା ସହିତ ସରକାରଙ୍କ ବିଫଳତାର କାହାଣୀ କହି ସରକାର ଉପରେ ବର୍ଷିଥିଲେ । ଏବେର ସରକାର ଏକ ମିସକଲ ସରକାର ଓ ମିଛୁଆ ସରକାର ବୋଲି ନୟାଗଡ ବିଧାୟକ କହିଛନ୍ତି । ଭତ୍ତା ଠାରୁ ଆରମ୍ଭ କରି ବିଦ୍ୟୁତ, ଓଡିଆ ଅସ୍ମିତା, ସୁଭଦ୍ରା ଯୋଜନା, ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣା, ଦରଦାମ ବୃଦ୍ଧି ଆଦି ସମସ୍ତ କ୍ଷେତ୍ରରେ ଏ ସରକାର ମିଛ କହି ଚାଲିଛନ୍ତି । ମାଙ୍କଡ ହାତରେ ଶାଳଗ୍ରାମ ପରି ଏ ସରକାର ଚାଲିଛି । ଏ ସରକାର ସମସ୍ତ ପ୍ରତିଶୃତି ଭୁଲିଯାଇ କେବଳ ରଙ୍ଗ ବଦଳାଇବା କାମରେ ନ୍ୟସ୍ତ ରହିଛି ।
