ବାରଙ୍ଗ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଉଦଯାପିତ ହେଲା ଚୁଡ଼ଙ୍ଗଗଡ ବାରଙ୍ଗ ମହୋତ୍ସବ ! ପବିତ୍ର କାର୍ତ୍ତିକ ପୂର୍ଣିମା ଅବସରରେ ଚାରି ଦିନ ଧରି ଚାଲିଥିବା ଚୁଡ଼ଙ୍ଗଗଡ ବାରଙ୍ଗ ମହୋତ୍ସବ ଉଦଯାପିତ ହୋଇଯାଇଛି ! ମହୋତ୍ସବ ର ଅନ୍ତିମ ଦିନରେ ରାଜ୍ୟ ସରକାର ଙ୍କ ସମବାୟ , ବୟନ ଶିଳ୍ପ ଏବଂ ହସ୍ତତନ୍ତ ବିଭାଗ ମନ୍ତ୍ରୀ ପ୍ରଦୀପ ବଳ ସାମନ୍ତ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ! ସମ୍ମାନୀତ ଅତିଥି ରୂପେ ପରଜଙ୍ଗ ବିଧାୟକ ବିଭୁତି ଭୂଷଣ ପ୍ରଧାନ , ଯୁବନେତା ଅଭୟ ବାରିକ , ବାରଙ୍ଗ ମଣ୍ଡଳ ଉନ୍ନୟନ ଅଧିକାରୀ , ବାରଙ୍ଗ ତହସିଲଦାର ମଞ୍ଚରେ ଆସନ ଗ୍ରହଣ କରିଥିବା ସମୟରେ ମୁଖ୍ୟ ବକ୍ତା ଭାବରେ ମାହାଙ୍ଗା ବିଧାୟକ ଶାରଦା ପ୍ରସାଦ ପ୍ରଧାନ ଯୋଗଦେଇ ବାରଙ୍ଗ ଚୁଡ଼ଙ୍ଗଗଡ ସମ୍ପର୍କରେ ଚମତ୍କାର ଅଭିଭାଷଣ ରଖିଥିଲେ ! କାର୍ଯ୍ୟକ୍ରମ ଅବସରରେ ବିଶିଷ୍ଟ କ୍ରୀଡ଼ାବିତ ଦୂତି ଚାନ୍ଦ , ସାମ୍ବାଦିକ ରୁଦ୍ର ପ୍ରସାଦ ରଥ ଙ୍କ ସମେତ ବହୁ ପ୍ରତିଭାଙ୍କୁ ସମ୍ବର୍ଦ୍ଧିତ କରାଯାଇଥିଲା ! ମହୋତ୍ସବ ର ସଫଳତା ପାଇଁ ବାରଙ୍ଗ ବାସୀଙ୍କୁ ସମସ୍ତ ଶ୍ରେୟ ଦେଇଛନ୍ତି ମହୋତ୍ସବ କମିଟିର ସଭାପତି ତଥା ବିଜେପି ନେତା ତୁଷାରକାନ୍ତ ଚକ୍ରବର୍ତ୍ତୀ ! ଆଗାମୀ ବର୍ଷ ମହୋତ୍ସବକୁ ଅଧିକ ଆକର୍ଷଣୀୟ କରି ଆୟୋଜନ କରିବା ପାଇଁ କମିଟିର ସଦସ୍ୟ ପ୍ରକାଶ କରିଛନ୍ତି !
