କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : କଳାପଥର ର ଅଗ୍ରଣୀ କ୍ରୀଡା ସଂଗଠନ ଜୀବନ ଜ୍ୟୋତି କ୍ରିକେଟ କ୍ଲବ ଆନୁକୁଲ୍ୟରେ ଆୟୋଜିତ ହେଉଛି ପ୍ରଥମ ସତ୍ୟଭାମା – ଚୌଧୁରୀ ସ୍ମାରକୀ ମେମୋରିଆଲ କପ କ୍ରିକେଟ ଟୁର୍ଣ୍ଣାମେଣ୍ଟ ! କଳାପଥର ଧଳାପଥର ସରକାରୀ ଉଚ୍ଚ ବିଦ୍ୟାଳୟ ଖେଳ ପଡିଆରେ ଆୟୋଜିତ ପ୍ରଥମ ବାର୍ଷିକ ସତ୍ୟଭାମା ଚୌଧୁରୀ ସ୍ମାରକୀ କପ କ୍ରିକେଟ ଟୁର୍ଣ୍ଣାମେଣ୍ଟ ର ଦ୍ବିତୀୟ ଦିବସ ରେ କଳାପଥର ଧଳାପଥର ଆଞ୍ଚଳିକ ମହାବିଦ୍ୟାଳୟର ଅଧ୍ୟକ୍ଷ ସୁନନ୍ଦ କୁମାର ଛାଟୋଇ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ କାଲଭିନଲ ର ମାର୍କେଟିଙ୍ଗ ମାନ୍ୟେଜର ମିସ୍ ପୂଜା ରଥ , ଜୀବନ ଜ୍ୟୋତି କ୍ରିକେଟ କ୍ଲବର ବରିଷ୍ଠ କିଶୋର ଚନ୍ଦ୍ର ସାହୁ , ଜୀବନ ଜ୍ୟୋତି କ୍ରିକେଟ କ୍ଲବର ଅନ୍ୟତମ ସଦସ୍ୟ ଦୁର୍ଯ୍ୟୋଧନ ସେଠୀ ମଞ୍ଚାସୀନ ଥିଲେ । ଦ୍ୱିତୀୟ ଦିନର ମ୍ୟାଚ ରାଇଜିଙ୍ଗ ଷ୍ଟାର କୁମାରବସ୍ତ ଓ ଢେ଼ଙ୍କାନାଳ କ୍ରିକେଟ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା ! ମ୍ୟାଚରେ ରାଇଜିଙ୍ଗ ଷ୍ଟାର କୁମାରବସ୍ତ ଟସ୍ ଜିତି ପ୍ରଥମେ ବ୍ୟାଟିଂ କରିବା ପାଇଁ ନିଷ୍ପତି ନେଇଥିବା ବେଳେ ଆଜିର ମ୍ୟାଚ୍ ୨୩ ଓଭର ବିଶିଷ୍ଟ ହୋଇଛି । ଆଜିର ଏହି ମ୍ୟାଚ୍ ରେ ରାଇଜିଙ୍ଗ ଷ୍ଟାର କୁମାରବସ୍ତ ପ୍ରଥମେ ବ୍ୟାଟିଂ କରି ୧୫୨ ରନ ସଂଗ୍ରହ କରି ୧୦ ଗୋଟି ୱିକେଟ ହରାଇଥିବା ବେଳେ ଢେ଼ଙ୍କାନାଳ କ୍ରିକେଟ କ୍ଲବ ଦଳକୁ ୧୫୩ ରନ ର ବିଜୟ ଟାର୍ଗେଟ ଦେଇଥିଲା ! ୧୦ ଗୋଟି ୱିକେଟ ହରାଇ ୨୨.୧ ଶେଷସୁଦ୍ଧା ୯୧ ରନ କରି ପରାସ୍ତ ହୋଇଛି ଢେଙ୍କାନାଳ ! ଅସିମାନନ୍ଦ ଦଳବେହେରା ଆଜିର ମ୍ୟାଚରେ ମ୍ୟାନ ଅଫ ଦି ମ୍ୟାଚ୍ ହୋଇଛନ୍ତି । ଆସନ୍ତା କାଲି ମଞ୍ଚେଶ୍ୱର କ୍ରିକେଟ କ୍ଲବ ଭୁବନେଶ୍ୱର ଓ କଳିଙ୍ଗ ଟାଇଗର ଖୋର୍ଦ୍ଧା ମଧ୍ୟରେ ମୁକାବିଲା ହେବ !
