କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : ପତନୀ ଗ୍ରାମକୁ ଶିଳ୍ପୀ ଗ୍ରାମରେ ପରିଣତ କରାଇବା ପାଇଁ ପ୍ରୟାସ । ବାଙ୍କୀ ବ୍ଲକ ଅଧିନସ୍ଥ କେନ୍ଦୁପଲ୍ଲି ଗ୍ରାମ ପଞ୍ଚାୟତ ପତନୀ ଗ୍ରାମର ପଟ୍ଟଚିତ୍ର ଗୁରୁ ଦିଲ୍ଲୀପ କୁମାର ସାହୁଙ୍କ ଦ୍ଵାରା ଦୀର୍ଘ ୩୫ ବର୍ଷ ଧରି ପ୍ରତିଷ୍ଠା ହୋଇଥିବା “ ଓଡିଶୀ ଚିତ୍ରକଳା “ ଅନୁଷ୍ଠାନ ଆଜି ତାର କାୟା ବିସ୍ତାର କରି କଟକ ଜିଲ୍ଲାରେ ମାଗଣା ପଟ୍ଟଚିତ୍ର ଶିକ୍ଷା ଦେଇ ବେଶ ପ୍ରଭାବ ପକାଇଛି । ପ୍ରକାଶ ଥାଉକି ଏଥିରେ କେନ୍ଦୁପଲ୍ଲୀ ଗ୍ରାମର ୧୦୦ ରୁ ଉର୍ଦ୍ଧ ମହିଳା ପଟ୍ଟଚିତ୍ର ଶିଳ୍ପୀ କାରିଗର ମାନଙ୍କର ଥଇଥାନ ସହିତ ଏକତ୍ର ବସି କାମ କରିବା ପାଇଁ ଅନୁଷ୍ଠାନ ର ନିଜସ୍ଵ ଗୃହ ନିର୍ମାଣ ତଥା ସରକାରୀ ଯୋଜନା ଆଦି ପାଇବା ପାଇଁ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରାଇବା ପାଇଁ ସରକାରଙ୍କ ନିକଟରେ ଗୁହାରୀ ଜଣାଇଛନ୍ତି ।
