କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : କଟକ ସଦର ଯଶପଡା ପଞ୍ଚାୟତ ସ୍ଥିତ କେଳିକଦମ୍ବ ହାଇସ୍କୁଲର ୧୯୮୯ ମସିହା ମାଟ୍ରିକ ବ୍ୟାଚର ଛାତ୍ରଛାତ୍ରୀ ମାନଙ୍କର ଏକ ବନ୍ଧୁ ମିଳନ କାର୍ଯ୍ୟକ୍ରମ ମାଳିକା ପ୍ରସିଦ୍ଧ ଗିରିଧାରୀ ମଠ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ବହୁ ପୁରାତନ ଛାତ୍ରଛାତ୍ରୀ ସେମାନଙ୍କ ପରିବାର ସହ ଯୋଗଦେଇ ସ୍କୁଲ ଜୀବନର ସ୍ମୃତି ଚାରଣ କରିଥିଲେ । ଦୀର୍ଘ ୩୩ ବର୍ଷରୁ ଉର୍ଦ୍ଧ୍ବ ସମୟ ପରେ ସମସ୍ତେ ଏକାଠି ହୋଇଥିବାରୁ ଏକ ଆନନ୍ଦମୟ ପରିବେଶ ସୃଷ୍ଠି ହୋଇଥିଲା । ଏହି ବନ୍ଧୁ ମିଳନ କାର୍ଯ୍ୟକ୍ରମରେ ପୁରାତନ ଛାତ୍ର ଜଗନ୍ନାଥ ଦାସ, ଦୁର୍ଯ୍ୟୋଧନ ପୃଷ୍ଟି , ମନୋରଞ୍ଜନ ପଟ୍ଟନାୟକ, ଶିବ ପ୍ରସାଦ ରାଉତରାୟ, ହୃଷୀକେଶ ପ୍ରଧାନ, ଗିରିଜା ପ୍ରସାଦ ସାହୁ, ପୁରାତନ ଛାତ୍ରୀ ପ୍ରୀତି ଜେନା , ଲିଲିବାଳା ସାହୁ, ପ୍ରଜ୍ଞା ଜେନା, ଲିଲିପ୍ରିୟା ରାଉତ, ସ୍ନେହଲତା ସାହୁ, ପ୍ରଣତି ଜେନାଙ୍କ ସମେତ ଅନେକ ପୁରାତନ ଛାତ୍ରଛାତ୍ରୀ ଯୋଗ ଦେଇଥିଲେ ।
