ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀ ଡମପଡ଼ା ବ୍ଲକ ଅନ୍ତର୍ଗତ ନରଗାଙ୍ଗ ଗ୍ରାମ ପଞ୍ଚାୟତ ଖେଳପଡିଆ ଠାରେ ଚଳିତ ବର୍ଷ ୪୦ତମ ଟେନିସ୍ ବଲ କ୍ରିକେଟ ଟୁର୍ଣ୍ଣାମେଣ୍ଟ୍ ଉଦଯାପିତ ହୋଇଯାଇଛି । ଫାଇନାଲ୍ ମ୍ୟାଚ୍ ଢଁସର କ୍ରିକେଟ କ୍ଲବ ଏବଂ ବୈଦ୍ୟେଶ୍ୱର କ୍ରିକେଟ କ୍ଲବ (ଦିସା) ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିତି ଢଁସର ବ୍ୟାଟିଂ କରିବାକୁ ନିଷ୍ପତ୍ତି ନେଇ ନିର୍ଦ୍ଧାରିତ ୨୦ଓଭରରୁ ୧୯.୪ଓଭରରେ ସମସ୍ତ ୱିକେଟ ହରାଇ ୧୫୬ରନ୍ କରିଥିବା ବେଳେ ଆବଶ୍ୟକୀୟ ରନ୍ର ପିଛା କରି ଦିସା କ୍ଲବ ୧୦୪ରନ୍ କରି ସମସ୍ତ ୱିକେଟ ହରାଇ ପରାଜିତ ହୋଇଥିଲା । ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବାଙ୍କୀର ପୂର୍ବତନ ବିଧାୟକ ଡଃ.ଦେବାଶିଷ ପଟ୍ଟନାୟକ ଯୋଗଦେଇ ଗ୍ରାମାଞ୍ଚଳରେ କ୍ରିଡାର ପ୍ରଚାର ପ୍ରସାର କରିବା ଦିଗରେ କ୍ରିକେଟ ପ୍ରମୁଖ ଭୂମିକା ଗ୍ରହଣ କରିଥିବା ବକ୍ତବ୍ୟ ରଖିବା ସହିତ ବିଜେତା ଓ ଉପବିଜେତା ଦଳକୁ ଟ୍ରଫି ସହ ପୁରସ୍କୃତ କରିଥିଲେ । ସମ୍ମାନୀତ ଅତିଥି ଭାବେ ପୂର୍ବତନ ସରପଞ୍ଚ ଗଣେଶ୍ୱର ଜେନା, କାହ୍ନୁଚରଣ ମିଶ୍ର ଯୋଗ ଦେଇଥିଲେ . ମ୍ୟାନଅଫ୍ ଦ ମ୍ୟାଚ୍ କୁମାର ରାଜୁ ଏବଂ ମ୍ୟାନ୍ ଅଫ୍ ଦ ସିିିରିଜ୍ ଭାବେ କୁମାର ଅବନୀଙ୍କୁ ପୁରଷ୍କୃତ କରାଯାଇଥିଲା । ରକେଶ କୁମାର ଜେନାଙ୍କ ମଞ୍ଚ ପରିଚାଳନାରେ ଭାଷ୍ୟକାର ଭାବେ ସବ୍ୟସାଚୀ ଶ୍ରୀଚନ୍ଦନ ଖେଳର ଧାରା ବିବରଣୀ ରଖିଥିବା ବେଳେ ତ୍ରିନାଥ ଜେନା , ଦିଲ୍ଲୀପ ଜେନା, ରତିକାନ୍ତ ନାୟକ, ବୁନୁ ଜେନା, ଚିକୁନ୍ , ଅମରେନ୍ଦ୍ର ଜେନା ପ୍ରମୁଖ ସହଯୋଗ କରିଥିଲେ ।
