ସୁକିନ୍ଦା ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : କଳିଙ୍ଗ ନଗର ପୋଲିସ କବଜାରେ ନିଶା ଚାଲାଣକାରୀ l ଯାଜପୁର ଜିଲ୍ଲା କଳିଙ୍ଗନଗର ବାଘବାହାଳି ଛକ ନିକଟରୁ ୨୧୦ ଲିଟର ଦେଶୀ ମଦ ଓ କାର ଜବତ କଲେ ପୋଲିସ ଟିମ । ଦେଶୀ ମଦ ଚୋରା ଚାଲାଣ ସମ୍ପର୍କରେ କଳିଙ୍ଗନଗର ଥାନା ଅଧିକାରୀ ସୁଶାନ୍ତ କୁମାର ଦାସ ସଦଳବଳେ ଚଢ଼ାଉ କରି ୨୧୦ ଲିଟର ଦେଶୀ ମଦ ନେଇ ଯାଉଥିବା ଏକ ସୁଇଫ୍ଟ କାର୍ (OR02-BT7003) ସହ ତିନିଜଣ ଙ୍କୁ ଗିରଫ କରିଥିଲେ। ଅଭିଯୁକ୍ତ ମାନେ ହେଲେ ଢେଙ୍କାନାଳ ଜିଲ୍ଲାର ବିଶ୍ଵମଙ୍ଗଲ ମଲିକ(୩୦), ଜିତେନ୍ଦ୍ର ଦାସ(୨୬) ଓ ଯାଜପୁର ଜିଲ୍ଲା ର କୋରାମ ମାଝୀ(୩୮) ବୋଲି ସୂଚନା ମିଳିଛି . ଚୋରା ମାଦକ ଦ୍ରବ୍ୟ ଚାଲାଣ ଅଭିଯୋଗରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
