ନୟାଗଡ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : କରୋନା କଟକଣା ପରବର୍ତ୍ତୀ ସମୟରେ ନୟାଗଡ ଜିଲ୍ଲା ବାହାଡାଝୋଲା ଅଞ୍ଚଳରେ ଚୋରୀ ଛିନତାଇ ବଢିବା ପରେ ଲୁଟିଆଙ୍କୁ ସ୍କାନରରେ ରଖିଛି ଓଡଗାଁ ପୁଲିସ . ସୂଚନା ଅନୁଯାୟୀ ବାହାଡାଝୋଲା ଫାଣ୍ଡି ଅଧୀନରେ ଛ’ଟି ଗ୍ରାମପଞ୍ଚାୟତ ଏବଂ ଛୟାଅଶୀଟି ରାଜସ୍ୱ ଗ୍ରାମ ଥିବା ବେଳେ ବିଗତ ଦିନରେ ପୁଲିସ ଲକ ଡାଉନ କଟକଣା ତଦାରଖରେ ଲାଗିବା ଫଳରେ ଏହାର ଫାଇଦା ଉଠାଇଥିଲେ ଲୁଟିଆ . ବିଶେଷ କରି ବିଭିନ୍ନ ବିଦ୍ୟାଳୟ ଏବଂ ବନ୍ଦ ରହିଥିବା ଦୋକାନକୁ ଟାର୍ଗେଟ କରିଥିଲେ ଲୁଟିଆ . ତେବେ ଓଡଗାଁ ଥାନାରେ ନୂତନ ଅଧିକାରୀ ଯୋଗଦେବା ପରେ ଚୋର ଏବଂ ଲୁଟିଆଙ୍କ ଉପରେ ଅଙ୍କୁଶ ଲଗାଇଛି ପୁଲିସ . ଓଡଗାଁ ଥାନା ଏବଂ ବାହାଡାଝୋଲା ଫାଣ୍ଡି କର୍ମଚାରୀ ନାଇଟ ପେଟ୍ରୋଲିଙ୍ଗ କରୁଥିବା ବେଳେ ଏକ ପୂଜା ସାମଗ୍ରୀ ଦୋକାନରୁ ଚୋରୀ କରୁଥିବା ଦୁର୍ବୁତ୍ତ ଫେରାର ହୋଇ ଯାଇଥିଲେ . ଅଚାନକ ପୁଲିସ ଆସିବାରୁ ଚୋରମାନେ ଦୁଇଟି ବାଇକ, ଚୋରୀ ପାଇଁ ବ୍ୟବହାର କରୁଥିବା ସାମଗ୍ରୀ ଛାଡି ଚାଲି ଯାଇଥିଲେ . ଦୋକାନରୁ ଚୋରୀ କରି ଅଖାରେ ବାନ୍ଧିଥିବା ଜିନିଷ ସବୁକୁ ପୁଲିସ ଜବତ କରିଥିବା ସମୟରେ ବାହାଡାଝୋଲା ଅଞ୍ଚଳରେ ରାତ୍ରୀକାଳୀନ ପାଟ୍ରୋଲିଙ୍ଗଙ୍କୁ କଡାକଡି କରାଯାଇଛି .
