କଣିହାଁ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ଅନୁଗୋଳ ଜିଲ୍ଲା କଣିହାଁ ବ୍ଲକର ବିଜିଗୋଳ ଗ୍ରାମରେ ଆଜି ବିଜିଗୋଳ ସେବା ସମବାୟ ସମିତି ପକ୍ଷରୁ ଧାନମଣ୍ଡିର ଶୁଭାରମ୍ଭ ହୋଇ ଯାଇଛି । ଏଥିରେ ମୁଖ୍ୟ ଅତିଥିଭାବେ ତାଳଚେର ବିଧାୟକଙ୍କ ପ୍ରତିନିଧି ସନ୍ତୋଷ କୁମାର ପ୍ରଧାନ ଓ କଣିହାଁ ବିଡିଓ ରମେଶ ଚନ୍ଦ୍ର ଜେନା ,ସମ୍ମାନୀତ ଅତିଥି ଭାବେ ତାଳଚେର ଯୋଗାଣ ଅଧିକାରୀ ରୋହିତ କୁମାର ଦାସ , ସହକାରୀ ନିବନ୍ଧକ ପ୍ରଦୀପ କୁମାର ଦାସ , ନିୟନ୍ତ୍ରିତ ବଜାର କମିଟି ସମ୍ପାଦକ ମୋହନ ଚନ୍ଦ୍ର ପ୍ରଧାନ , ବିଜିଗୋଳ ଗ୍ରାମ ପଞ୍ଚାୟତ ସରପଞ୍ଚ ଦୁଃଶାସନ ସାହୁ ପ୍ରମୁଖ ଯୋଗ ଦେଇଥିଲେ । ସମିତିର ସମ୍ପାଦକ ସୁମନ୍ତ କୁମାର ନାଥ , ସହ ସମ୍ପାଦକ ପ୍ରହ୍ଲାଦ ପାଣି ସଭା ପରିଚାଳନା କରିଥିଲେ । ସମବାୟ ସମିତି ଅଧୀନରେ ଥିବା ଛଅଟି ପଞ୍ଚାୟତ ବିଜିଗୋଳ , କନକେଇ, ହରିହରପୁର, ସମଲ କୁଲେଇ ରୁ ନାମ ପଞ୍ଜିକୃତ କରିଥିବା ୩୫୦ ଚାଷୀ ଏହି ମଣ୍ଡି ରେ ଧାନ ବିକ୍ରି କରି ପାରିବେ ।
