ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ବରିଷ୍ଠ ସାମ୍ବାଦିକ ତଥା ଓୟୁଜେ ର ପୂର୍ବତନ ସଭାପତି ଶଙ୍କର ପ୍ରସାଦ ମିଶ୍ରଙ୍କର ପରଲୋକରେ ଓଡିଶା ସାମ୍ବାଦିକ ୟୁନିଅନର ସଦସ୍ୟମାନେ ଗଭୀର ଶୋକ ବ୍ୟକ୍ତ କରିଛନ୍ତି . କରୋନା ରେ ଆକ୍ରାନ୍ତ ହୋଇ ସମ୍ବଲପୁରର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ସମୟରେ ବୁଧବାର ଦିନ ତାଙ୍କର ମୃତ୍ୟୁ ଘଟିଛି . ସ୍ୱର୍ଗତ ମିଶ୍ର ବଲାଙ୍ଗୀର ଜିଲ୍ଲାର ଜଣେ ଆଗଧାଡିର ସାମ୍ବାଦିକ ଥିଲେ . ଜାତୀୟ ସାମ୍ବାଦିକ ୟୁନିଅନର ଉପ-ସଭାପତି , ବଲାଙ୍ଗୀର ଜିଲ୍ଲା ସାମ୍ବାଦିକ ସଂଘର ସଭାପତି ଭାବରେ ସେ ଦାୟିତ୍ୱ ନିର୍ବାହ କରିଥିଲେ . ତାଙ୍କର ନିଧନ ଖବର ଶୁଣି ଓଡିଶା ସାମ୍ବାଦିକ ୟୁନିଅନ ର ସଭାପତି ପ୍ରସନ୍ନ କୁମାର ମହାନ୍ତି , ସମ୍ପାଦକ ଅଶୋକ କୁମାର ନନ୍ଦ ଏବଂ ସମ୍ବଲପୁର ଶାଖାର କର୍ମକର୍ତ୍ତା ମାନେ ଶୋକ ପ୍ରକାଶ କରିଛନ୍ତି . ସ୍ୱର୍ଗତ ସାମ୍ବାଦିକ ଶଙ୍କର ମିଶ୍ରଙ୍କ ସ୍ମୃତିରେ ଓୟୁଜେ ଭବନରେ ଏକ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରାଯାଇଛି .
