ତାଳଚେର ( ଆୱାଜ ମିଡ଼ିଆ ) – ଜମ୍ବେଶ୍ଵର ପଟ୍ଟନାୟକ : ଉତ୍ତର କେନ୍ଦ୍ରାଞ୍ଚଳର ନୂତନ ଡିଆଈଜି ଭାବେ ଦାୟିତ୍ୱ ଗ୍ରହଣ କଲେ ବରିଷ୍ଠ ଆଇପିସ୍ ଅଫିସର ଡଃ ସାର୍ଥକ ଷଡଙ୍ଗୀ । ଏହି ଅବସରରେ ଡିଆଈଜି ଶ୍ରୀ ଷଡଙ୍ଗୀ ତାଳଚେରସ୍ଥିତ ବାଘୁଆବୋଲଠାରେ ଥିବା ତାଙ୍କ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଆୟୋଜନ କରିଥିଲେ । ସାମ୍ବାଦିକ ମାନଙ୍କୁ ନୂତନ ବର୍ଷର ଅଭିନନ୍ଦନ ଜଣାଇବା ସହ ତାଳଚେରର ଆଇନ ଶୃଙ୍ଖଳା ପରିସ୍ଥିତି ଏମିତିକି କୋଇଲା ଚୋରୀ ଏବଂ ନିଶା ମାଫିଆଙ୍କ ପ୍ରାଦୁର୍ଭାବ ସମ୍ପର୍କରେ ଉପସ୍ଥିତ ଥିବା ସାମ୍ବାଦିକ ବନ୍ଧୁଙ୍କ ଠାରୁ ଜାଣିବାକୁ ପାଇଥିଲେ । ଡିଆଈଜି ଶ୍ରୀ ଷଡଙ୍ଗୀ ଅପରାଧିକ କାର୍ଯ୍ୟକଳାପ, ନିଶା ମାଫିଆ ଓ ଚୋରା କୋଇଲା ଚାଲାଣ କରୁଥିବା ମାଫିଆଙ୍କୁ ଦମନ କରିବା ନେଇ ଦୃଢକ୍ତି ପ୍ରକାଶ କରିଛନ୍ତି । ତାଳଚେର ଅଞ୍ଚଳରେ ଥିବା ଥାନା ଅଧିକାରୀଙ୍କ ସହ ସଲାସୁତୁରାରେ ମାଫିଆ ରାଜ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ତାଳଚେର ଅଞ୍ଚଳରୁ ଚୋରା ଚାଲାଣ କରୁଥିବା ମାଫିଆ ଓ ସ୍ଥାନୀୟ ପୋଲିସ୍ ଯିଏକି ଏହି ଚୋରା ଚାଲାଣରେ ସମ୍ପୂକ୍ତ ଥିବେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିଆଈଜି ଶ୍ରୀ ଷଡଙ୍ଗୀ ଉପସ୍ଥିତ ଥିବା ସାମ୍ବାଦିକ ମାନଙ୍କ ସମ୍ମୁଖରେ ପ୍ରକାଶ କରିଛନ୍ତି ।
