ପୁରୀ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ପୁରୀ ନୀଳଚକ୍ର ବାନା ଅନୁଷ୍ଠାନ ପକ୍ଷରୁ ୟୁଥ ହଷ୍ଟେଲ, ପୁରୀ ପରିସର ମଧ୍ୟରେ ନୀଳଚକ୍ର ବାନା ଶୁଭ ଲୋକାର୍ପଣ ଉତ୍ସବ ପ୍ରତିଭା ପୂଜନ କାର୍ଯ୍ୟକ୍ରମ ସହ କବିତା ଆସର ଓ ରାଜ୍ୟ ସ୍ତରୀୟ କବି ଲେଖକ ସମ୍ମେଳନ ୨୦୨୧ ଅନୁଷ୍ଠିତ ହୋଇଯାଇଛି । କୃଷ୍ଣପ୍ରସାଦ ବ୍ଲକ ଉପକଣ୍ଠ ବ୍ରହ୍ମଗିରି ଅଞ୍ଚଳର ଉଦିୟମାନ ଯୁବ ପ୍ରତିଭା ଶ୍ରୀମାନ ଆଶିଷ କୁମାର ସ୍ୱାଇଁ କବିତା , ଗଳ୍ପ ,ସ୍ତମ୍ଭ, ଉପସ୍ଥାପକ ଓ ସମାଜସେବା ପାଇଁ “ନୀଳଚକ୍ର ବାନା ସାରସ୍ୱତ ସମ୍ମାନ ୨୦୨୧” ରେ ସମ୍ମାନିତ ଓ ସମ୍ବର୍ଦ୍ଧିତ ହୋଇଛନ୍ତି ।
ଉକ୍ତ ଉତ୍ସବରେ ଉଦଘାତକ ଓଡିଶା ସାହିତ୍ୟ ଏକାଡେମୀ ସଭାପତି ହରିହର ମିଶ୍ର, ମୁଖ୍ୟଅତିଥି ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ , ସମ୍ମାନିତ ଅତିଥି ଭାବେ କୁଳପତି ଖଲ୍ଲିକୋଟ ବିଶ୍ୱ ବିଦ୍ୟାଳୟ ପ୍ରଫୁଲ୍ଲ କୁମାର ମହାନ୍ତି , ଓଡିଶା ଲେଖିକା ସଂସଦର ସମ୍ପାଦିକା ଶକୁନ୍ତଳା ବଳିଆର ସିଂହ, ମୁଖ୍ୟ ବକ୍ତା ଭାବରେ ଶଙ୍କର୍ଷଣ ପରିଡା ପ୍ରମୁଖ ଯୋଗ ଦେଇଥିଲେ । ନୀଳଚକ୍ର ବାନା ପତ୍ରିକାର ପ୍ରକାଶକ ସଭାପତି ପୂର୍ଣ୍ଣଚନ୍ଦ୍ର ନନ୍ଦ ଓ ସମ୍ପାଦିକା ପୌର୍ଣ୍ଣମାସୀ ଦେବୀ କାର୍ଯ୍ୟକ୍ରମକୁ ପରିଚାଳନା କରିଥଲେ ।
