ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ମଧ୍ୟରେ ଥିବା ସଦଭାବନା ଗୃହ ମଧ୍ୟରେ କପିଳାସରେ ମହା ଶିବରାତ୍ରୀ ଆୟୋଜନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଆସନ୍ତା ମାସ (ମାର୍ଚ୍ଚ) ୧୧ ତାରିଖ ଗୁରୁବାର ଦିନ ମହା ଶିବରାତ୍ରୀ ପଡୁଅଛି । ଚଳିତ ଥର କୋରନା ସମ୍ବନ୍ଧୀୟ କଟକଣାକୁ ଆଖି ଆଗରେ ରଖି କିଭଳି ଭାବେ ପ୍ରସିଦ୍ଧ ଶିବରାତ୍ରି ଉତ୍ସବ ଶୈବପୀଠ କପିଳାସରେ ହେବ ସେ ସମ୍ବନ୍ଧୀୟ ଆଲୋଚନା ହୋଇଯାଇଛି ।
ଆଜିର ଏହି ବୈଠକରେ ଜିଲ୍ଲାପାଳ ଭୁମେଶ ଚନ୍ଦ୍ର ବେହେରା, ଏସ୍ପି କେ.ଶିବା ସୁବ୍ରମଣି , ଜିଲ୍ଲା ପ୍ରକଳ୍ପ ନିର୍ଦେଶକ ନରୋତ୍ତମ ବେହେରା ଙ୍କ ସମେତ ଜିଲ୍ଳା ବନ ଅଧିକାରୀ, ଅତିରିକ୍ତ ଜିଲ୍ଲାପାଳ , ଜିଲ୍ଲା ମୁଖ୍ୟ ଚିକିତ୍ସାଧିକାରୀ ପ୍ରମୁଖ ଉପସ୍ଥିତ ଥିଲେ ।
