ନୟାଗଡ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ ଜିଲ୍ଲା ନୂଆଗାଁ ବ୍ଲକ ଦୁରୁଦୁରା ଗ୍ରାମ ପଞ୍ଚାୟତ ର ନେଳିବାରି ଗ୍ରାମ ରେ ମଧ୍ୟରାତ୍ରରେ ନିଆଁଲାଗି ସେହି ଗାମର ହରିହର ନାହକ ଙ୍କ ଦୁଇ ବଖରା ଚାଳଘର ସମ୍ପୂର୍ଣ ପୋଡି ଯାଇଛି l ସୂଚନା ଥାଉକି , ହରିହର ନାହକ ରାତିରେ ହାତୀ ଜଗିବାକୁ ଆଖୁବିଲ କୁ ଯାଇଥିଲେ l ଘରେ ତାଙ୍କର ସ୍ତ୍ରୀ ସଂଯୁକ୍ତ ନାହକ ଓ ଦୁଇ ପୁଅ ଶୋଇଥିଲେ l ହଠାତ ପାଖ ଗୁହାଳରୁ ଗାଈ ଗୋରୁ କୁକୁଡ଼ା ମାନଙ୍କ ବୋବାଳି ଶୁଣି ସମସ୍ତେ ଉଠି ଦେଖିଲା ବେଳକୁ ଘରେ ନିଆଁ ଲାଗିଛି l ଖବର ପାଇ ସମିତି ସଭ୍ୟ ନୁରସିଂହ ଚରଣ ପଢି, ଘଟଣା ସ୍ଥଳରେ ପହଞ୍ଚି ଦମକଳ କୁ ଡାକିଥିଲେ l ନୂଆଗାଁ ଦମକଳ ଆସି କିଛି ମାତ୍ରାରେ ନିଆଁକୁ ଆୟତ୍ତ କରିଥିଲେ l ଅଗ୍ନିକାଣ୍ଡ ସମ୍ପର୍କରେ ଖବର ପାଇ ରାଜସ୍ୱ ନିରୀକ୍ଷକ ପହଞ୍ଚି ତଦନ୍ତ କରି କ୍ଷତିଗ୍ରସ୍ତ ପରିବାରକୁ ଜରି ପାଲ ଯୋଗାଇ ଦେଇଛନ୍ତି l ସମାଜ ସେବି ରଘୁନାଥ ଦୁଆରୀ, ଜଗନ୍ନାଥ ସାହୁ ପହଞ୍ଚି କିଛି ଶୁଖିଲା ଖାଦ୍ୟ ପରିବାରକୁ ଦେଇଥିବା ଜଣାପଡିଛି l ଏହି ଘରପୋଡ଼ିରେ ହରିହର ନାହକ ଙ୍କ ଧାନ, ଚାଉଳ, ଘରକରଣା ସାମାନ, ଗୁହାଳ ରେ ଥିବା କୁକୁଡ଼ା ଆଉ ଅନେକ ଅସାବପତ୍ର ପୋଡି ନଷ୍ଟ ହୋଇଥିବା ବେଳେ ଘର ଲୋକେ ସୁରକ୍ଷିତ ଅଛନ୍ତି l
