କଣିହାଁ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : କଣିହାଁ ବ୍ଲକର ନୂତନ ବିଡ଼ିଓ ଭାବେ ନିଶାନ ମିଶ୍ର ଙ୍କ ଯୋଗଦାନ । ଅନୁଗୋଳ ଜିଲ୍ଲା ତାଳଚେର ଉପଖଣ୍ଡ ଅନ୍ତର୍ଗତ କଣିହାଁ ବ୍ଲକର ନୂତନ ମଣ୍ଡଳ ଉନ୍ନୟନ ଅଧିକାରୀ ଭାବରେ ୨୦୧୭ ମସିହା ବ୍ୟାଚର ଓଏଏସ୍ ନିଶାନ୍ ମିଶ୍ର ଯୋଗଦାନ କରିଛନ୍ତି । ପୂର୍ବରୁ ସେ କଳାହାଣ୍ଡି ଜିଲ୍ଲାର ଥୁଆମୁଳ ରାମପୁର ବ୍ଲକରେ ବିଡ଼ିଓ ଭାବେ କାର୍ଯ୍ୟ ତୁଲାଇ ଆସୁଥିଲେ । ସମ୍ପ୍ରତି କରୋନା ମହାମାରୀ ପରିସ୍ଥିତି ର ମୁକାବିଲା କରିବା ପ୍ରାଥମିକତା ହେବା ସହିତ ବ୍ଲକ ବାସୀଙ୍କୁ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ସଠିକ୍ ହିତାଧିକାରୀଙ୍କ ପାଖରେ ପହଞ୍ଚାଇବା ପାଇଁ ପଦକ୍ଷେପ ନେବାକୁ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି । ନୂତନ ବିଡ଼ିଓଙ୍କୁ ବ୍ଲକର କର୍ମଚାରୀ ମହଲରୁ ସ୍ୱାଗତ କରାଯାଇଥିଲା ।
