ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଗତକାଲି ଓଡିଶା ମାଧ୍ୟମିକ ଶିକ୍ଷା ପରିଷଦର ଦଶମ ପରୀକ୍ଷା ଫଳ ପ୍ରକାଶ ପାଇଯାଇଛି । ଏହି ପରୀକ୍ଷାରେ ଢେଙ୍କାନାଳ ଜିଲ୍ଲାରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରୀ ହେଲେ ଶୁଭଶ୍ୱେତା ସ୍ୱାଇଁ । ଯିଏ କି 2021 ରେ ଓଡିଶା ମାଧ୍ୟମିକ ବିକାଶ ପରିଷଦ ଦ୍ୱାରା ପ୍ରକାଶ ପାଇଥିବା 10 ମ ପରୀକ୍ଷାରେ ଢେଙ୍କାନାଳ ପାଇଁ ସର୍ବୋଚ୍ଚ 560 ନମ୍ବର ରଖିଛନ୍ତି । ପିତା ପ୍ରମୋଦ କୁମାର ସ୍ୱାଇଁ ଓ ମାତା ରେଣୁବାଳା ସ୍ୱାଇଁ ଙ୍କ ଝିଅ ଶୁଭଶ୍ୱେତା ବଡ଼ ହେଲେ ଜଣେ ଡାକ୍ତର ହୋଇ ଜନ ସେବା କରିବେ ବୋଲି ଆଶା ପ୍ରକାଶ କରିଛନ୍ତି । ତାଙ୍କର ଏହି ସଫଳତା ପାଇଁ ସେ ତାଙ୍କର ପିତାମାତା, ଗୁରୁଜନ, କାମାକ୍ଷାନଗର ସରସ୍ୱତୀ ଶିଶୁ ବିଦ୍ୟମନ୍ଦିର ର ସମସ୍ତ ଗୁରୁଜୀ ଗୁରୁମା, ବ୍ୟକ୍ତିଗତ ଭାବେ କାମାକ୍ଷା ଗୁରୁଜୀ ଓ କିଶୋର ଗୁରୁଜୀଙ୍କୁ ଧନ୍ୟବାଦ ପ୍ରଦାନ କରିଛନ୍ତି । ଶୁଭଶ୍ୱେତା ଦିନକୁ ପ୍ରାୟ 10 ରୁ 11 ଘଣ୍ଟା ପାଠପଢା ପାଇଁ ସମୟ ଦେଉଥିଲେ ବୋଲି ପ୍ରକାଶ କରିଛନ୍ତି ।
