ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ଚାଷଙ୍ଗରା ଗ୍ରାମର ୨୨ବର୍ଷର ଯୁବକ ସ୍ୱାଧୀନ କୁମାର ବେହେରା ୨୦ରିଖ ଠାରୁ ନିଖୋଜ ଅଛନ୍ତି . ଅଦ୍ୟାବଧି ନିଖୋଜ ଯୁବକର ସନ୍ଧାନ ମିଳିନାହିଁ l ଏ ନେଇ ନିଖୋଜ ଯୁବକର ମା ସୁଷମା ବେହେରା ସହିଦ ନଗର ଥାନାରେ ଲିଖିତ ଅଭିଯୋଗ କରିଛନ୍ତି l ପିତା ମାତାଙ୍କ ବୟାନ ଅନୁଯାଇ ପୁଅ ସ୍ୱାଧୀନ ଗାଁ ଛାଡି ଭୁବନେଶ୍ୱର ସ୍ଥିତ ଓକାକ ଟାୱାର ନିକଟରେ ଥିବା ମୋ ସରକାର ଅଫିସ ରେ କାର୍ଯ୍ୟରତ ଥିଲେ l ୨୦ ତାରିଖ ଦିନ ପ୍ରତିଦିନ ଭଳି ସ୍ୱାଧୀନ ଅଫିସ ରେ କାର୍ଯ୍ୟ କରିସାରି ଘରକୁ ଫେରିବା ପାଇଁ ବାହାରିଥିଲେ l ସ୍ୱାଧୀନ ଅଫିସ ରୁ ବାହାରକୁ ଚାଲି ଆସିଲେ ସତ କିନ୍ତୁ ଅଫିସ ରୁ ବାହାରି ସ୍ୱାଧୀନ କେଉଁ ଆଡେ ଗଲେ ଏକଥା କାହାକୁ ବି ଜଣା ନାହିଁ l ସ୍ୱାଧୀନ ଘରକୁ ନ ଫେରିବା ହେତୁ ସାଙ୍ଗମାନେ ବ୍ୟତିବ୍ୟସ୍ତ ହୋଇ ଆଖପାଖ ଅଞ୍ଚଳ ବହୁତ ଖୋଜା ଖୋଜି କଲା ପରେ ମଧ୍ୟ ସେ ନ ମିଳିବାରୁ ସ୍ୱାଧୀନର ଘର ଲୋକଙ୍କୁ ସାଙ୍ଗ ମାନେ ଫୋନ କରି ଜଣାଇଲେ l ଘରଲୋକ ନିଖୋଜ ପୁଅକୁ ଖୋଜି ଆଣିବା ନିମନ୍ତେ ସ୍ଥାନୀୟ ପୋଲିସ ଷ୍ଟେସନ ରେ ଏତଲା ଦେଇଛନ୍ତି l ବାପା ମାଆଙ୍କ କହିବା ଅନୁସାରେ ନିଖୋଜ ଯୁବକର ବୟସ ୨୨ବର୍ଷ, ବର୍ଣ୍ଣ ଶ୍ୟାମଳ ଓ ଉଚତା ପ୍ରାୟ ୫ଫୁଟ ଚାରି ଇଞ୍ଚି ହୋଇଥିବା ବେଳେ ଚେକ ର ଫୁଲ ସାର୍ଟ ଓ ନୀଳ ରଙ୍ଗର ପ୍ୟାଣ୍ଟ ପରିଧାନ କରିଥିଲେ । ସ୍ୱାଧୀନ ନିଖୋଜ ହେବା ପରେ , ପିତା ମାତା ଓ ପରିବାର ବର୍ଗ ଚାତକ ପରି ଚାହିଁ ବସିଛନ୍ତି ନିଜ ହଜିଲା ପୁଅର ଫେରିବା ବାଟକୁ l
