ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳର ସଦର ବ୍ଲକ ଅନ୍ତର୍ଗତ ଚାଉଳିଆ ପଞ୍ଚାୟତ ଅନ୍ତର୍ଗତ ବରହତା ଗ୍ରାମରେ ଏକ ଅଘଟଣ ଘଟିଯାଇଛି । ବଡନାଗନା ଗ୍ରାମର ଲକ୍ଷ୍ମଣ ପଣ୍ଡା ଏବଂ ତାଙ୍କ ପୁତୁରା ସୌମ୍ୟ ରଞ୍ଜନ ପଣ୍ଡା , ବରହତା ଗ୍ରାମର ମୁରଲୀ ପାଣି ଙ୍କୁ ଫସଲ ଚୋରି ଘଟଣା କୁ ନେଇ ଆଜି ଅପରାହ୍ନରେ ଅତର୍କିତ ଆକ୍ରମଣ କରିଥିଲେ । ମୁରଲୀ ପାଣିଙ୍କ ମୁଣ୍ଡକୁ ପ୍ରହାର କରିବା ଦ୍ୱାରା ତାଙ୍କର ମୃତ୍ୟୁ ଘଟିଛି । ପୂର୍ବରୁ ଲକ୍ଷ୍ମଣ ପଣ୍ଡା ଏବଂ ମୁରଲୀ ପାଣି ଙ୍କ ଭାଇଙ୍କ ମଧ୍ୟରେ ଫସଲ ଚୋରିକୁ ନେଇ ଝଗଡା ହୋଇଥିଲା । ଯାହାକି ଉଭୟ ପକ୍ଷ ଦ୍ୱାରା ଥାନାରେ କେସ କରାଯିବା ସହ ଏହାର ସମାଧାନ ହୋଇଥିଲା । କିନ୍ତୁ ପୂର୍ବ ଶତ୍ରୁତାକୁ ନେଇ ଆଜି ଲକ୍ଷ୍ମଣ ପଣ୍ଡା ଏବଂ ତାଙ୍କ ପୁତୁରା ସୌମ୍ୟ ରଞ୍ଜନ ପଣ୍ଡା ହଠାତ ମୁରଲୀ ପାଣିଙ୍କ ଉପରେ ଆକ୍ରମଣ କରିଥିଲେ । ତାଙ୍କ ମୁଣ୍ଡକୁ ଅତର୍କିତ ଆକ୍ରମଣ ଦ୍ୱାରା ସେ ସେଠାରେ ପଡି ଯାଇଥିଲେ । ସ୍ଥାନୀୟ ଲୋକମାନେ ସଂଗେ ସଂଗେ ଢେଙ୍କାନାଳ ମୁଖ୍ୟ ଚିକିତ୍ସାଳୟକୁ ଆମ୍ବୁଲାନ୍ସ ଯୋଗେ ଆଣିଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣାଟି ଘଟିବା ପରେ ମୁରଲୀଧରଙ୍କ ପରିବାର ପକ୍ଷରୁ ସ୍ଥାନୀୟ ତରଭା ଫାଣ୍ଡିରେ ଏତଲା ଦାଖଲ କରାଯାଇଛି । ଖବର ସଂଗ୍ରହ ବେଳକୁ ପୋଲିସ ଘଟଣାଟି ଜାଣିବା ପରେ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛନ୍ତି ।
