ଡମପଡା ( ଆୱାଜ ମିଡ଼ିଆ ) – ସୁବ୍ରତ କୁମାର ନାୟକ : ଡିସେମ୍ବର ୨୫ ତାରିଖକୁ ସମସ୍ତେ ବଡଦିନ ଭାବେ ପାଳନ କରୁଥିବା ବେଳେ ବାଙ୍କୀ ର ଅଗ୍ରଣୀ ସାମାଜିକ ସଂଗଠନ ଆଦର୍ଶ ଯୁବ ପରିଷଦ, ଆମ ପରିବାର ଚକ୍ର ଏବଂ ଯୁବବଂଧୁ ସତସଂଗ ପରିବାର ତରଫରୁ ଏକ ଭ୍ରାମ୍ୟମାଣ ବୃକ୍ଷରୋପଣ କାର୍ଯ୍ୟକ୍ରମ ତିନିଦିନ ଧରି ଚାଲିଥିଲା । ବାଙ୍କୀ , ଅନଗୁଳ ଏବଂ ବଡମ୍ବା ର କୋଡିଏଟି ଦେବ ପୀଠରେ ୪୦ ଗୋଟି ବର ଏବଂ ଅଶ୍ୱତଥ ଗଛ ଲଗାଯାଇଥିଲା । ତୁଳସୀ ଗଛର ହିନ୍ଦୁ ପରମ୍ପରା ଉପରେ ଆଧ୍ୟାତ୍ମିକ ପ୍ରଭାବ ଓ ଉପକାର ଉପରେ କୁମାର ଅମୀୟ ଭ୍ରାମ୍ୟମାଣ କାର୍ଯ୍ୟକ୍ରମରେ ସାଧାରଣ ଲୋକଙ୍କୁ ପ୍ରଚାର ପତ୍ର ଓ ବକ୍ତବ୍ୟ ମାଧ୍ୟମରେ ସଚେତନ କରାଇଥିଲେ । ସାମାଜିକ କର୍ମି ଅକ୍ଷୟ କୁମାର ସାମଲ, ବାବୁଲି ରଣା ,ସୁବ୍ରତ କୁମାର ନାୟକ ପ୍ରମୁଖ ଏହି ତିନି ଦିନ ବ୍ୟାପି ତୁଳସୀ ପୂଜନ ସଚେତନା ଓ ବର ଅଶ୍ୱତଥ ବୃକ୍ଷରୋପଣ କାର୍ଯ୍ୟକ୍ରମରେ ସହଯୋଗ କରିଥିଲେ । ସ୍ଥାନୀୟ ବୁଦ୍ଧିଜୀବୀ ଅନୁଷ୍ଠାନର ଏପରି ଏକ ନିଆରା କାର୍ଯ୍ୟକ୍ରମକୁ ଉଚ୍ଚ ପ୍ରଶଂସା କରିଛନ୍ତି ।
