ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ବାଲୁଗାଁ ଶାଳିଆ ପ୍ରେସ କ୍ଲବରେ ସାଧାରଣ ବୈଠକ ଓ ସାଙ୍ଗଠନିକ ନିର୍ବାଚନ ଶେଷ ହୋଇଛି । ଆଜି ମଧ୍ୟାହ୍ନରେ ଚିଲିକା , ବାଲୁଗାଁ , ବାଣପୁରକୁ ନେଇ ଗଠିତ ହୋଇଥିବା ଶାଳିଆ ପ୍ରେସ କ୍ଲବ ର ସାଧାରଣ ବୈଠକ ପ୍ରେସ କ୍ଲବ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଥିଲା । ବୈଠକ ଅବସରରେ କ୍ଲବ ର ସାଙ୍ଗଠନିକ ନିର୍ବାଚନ ଆୟୋଜିତ ହୋଇଥିଲା . ନିର୍ବାଚନ ଫଳାଫଳ ଘୋଷଣା କରିଥିଲେ ନିର୍ବାଚନ ଅଧିକାରୀ ଅରୁଣ କୁମାର ପଣ୍ଡା । ଶାଳିଆ ପ୍ରେସ କ୍ଲବର ସାଙ୍ଗଠନିକ ନିର୍ବାଚନରେ ୨୨ ଜଣ ସାମ୍ବାଦିକ ଅଶଂ ଗ୍ରହଣ କରିଥିଲେ . ସଭାରେ ଉପସ୍ଥିତ ରହି ସମସ୍ତେ ନିଜ ନିଜ ମତଦାନ କରିଥିଲେ ବୋଲି ନିର୍ବାଚନ ଅଧିକାରୀ ଅରୁଣ କୁମାର ପଣ୍ଡା ସୂଚନା ଦେଇଛନ୍ତି । ଗତବର୍ଷ ଭଳି ଚଳିତ ବର୍ଷ ମଧ୍ୟ ସଭାପତି ଭାବେ ଅଜିତ କୁମାର ସାହୁ ମନୋନୀତ ହୋଇଥିବା ବେଳେ ନୂତନ ଭାବେ ଉପ-ସଭାପତି ସୀତାରାମ ଅଗ୍ରୱାଲ, ସମ୍ପାଦକ ସେକ ରୋଶନ , ଉପ-ସମ୍ପାଦକ ସୁଧିର କୁମାର ବେହେରା, କୋଷାଧକ୍ଷ ଭାବରେ ସଂଜୀବ ସେନାପତି ନିର୍ବାଚିତ ହୋଇଛନ୍ତି . ସମସ୍ତ ନବ ନିର୍ବାଚିତ କର୍ମକର୍ତ୍ତା ଙ୍କୁ ଶୁଭେଛା ଜଣେଇଛନ୍ତି ଶାଳିଆ ପ୍ରେସ କ୍ଲବର ସମସ୍ତ ସଦସ୍ୟ ।
