ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ ଜିଲ୍ଲା ନୂଆଗାଁ ବ୍ଲକ ସଦର ମହକୁମାରେ ଥିବା ପ୍ରାଇମେରୀ ସ୍କୁଲ ପ୍ରାଙ୍ଗଣରେ ଆସନ୍ତା ୨୧ ତାରିଖରେ ଏକ ସ୍ୱାସ୍ଥ୍ୟ ଶିବିର ଆୟୋଜିତ ହେବାକୁ ଯାଉଛି । ଉକ୍ତ ସ୍ୱାସ୍ଥ୍ୟ ମେଳାରେ ବଡ ବଡ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ଆସି ଯୋଗଦେବେ । ରାଜଧାନୀର କିମ୍ସ ,ନୟାଗଡ , ଚାନ୍ଦପୁର ସ୍ୱାସ୍ଥ୍ୟକେନ୍ଦ୍ର ର ବିଭିନ୍ନ ବିଭାଗ ରୁ ସ୍ପେସିଆଲିଷ୍ଟ ଡାକ୍ତର ମାନେ ଶିବିରରେ ଯୋଗଦେବେ । ମେଡ଼ିସିନ , ଗାଇନାକଲୋଜି , ଚର୍ମ , ଆଖି ,ଦାନ୍ତ ଭଳି ବିଭିନ୍ନ ବିଭାଗ ର ରୋଗୀ ଦେଖା କରି ପରାମର୍ଶ ଗ୍ରହଣ ସହିତ ଚିକିତ୍ସିତ ହୋଇ ପାରିବେ ।
ନୂଆଗାଁ ବ୍ଲକ ର ସମସ୍ତ ପଞ୍ଚାୟତର ଜନସାଧାରଣ ଏହି ସ୍ୱାସ୍ଥ୍ୟ ଶିବିରରେ ଯୋଗଦେଇ ସ୍ୱାସ୍ଥ୍ୟଗତ ସମସ୍ୟା ଦେଖାଇ ପାରିବେ ଯାହାକି ସଂପୂର୍ଣ୍ଣ ମାଗଣା ଅଟେ । ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଏହି ସ୍ୱାସ୍ଥ୍ୟ ଶିବିରକୁ ଉପସ୍ଥିତ ରହି ଉଦଘାଟନ କରିବାର ସୂଚନା ମିଳିଛି । ୧୮ ତାରିଖ ସୋମବାର ନୂଆଗାଁ ବ୍ଲକ ମଧ୍ୟରେ ଆୟୋଜିତ ସଭାରେ ସ୍ଥାନୀୟ ବିଧାୟକ , ନୂଆଗାଁ ବିଡିଓ , ମହିପୁର ମେଡିକାଲ ଅଫିସର ପ୍ରମୁଖଙ୍କ ଉପସ୍ଥିତିରେ ଏହି ଶିବିର ଅନୁଷ୍ଠିତ ହେବା ପ୍ରସଙ୍ଗରେ ଆଲୋଚନା କରାଯାଇ ନିଷ୍ପତ୍ତି ନିଆ ଯାଇଥିଲା ।
