ନିଶ୍ଚିନ୍ତକୋଇଲି ( ଆୱାଜ ମିଡ଼ିଆ ) – ଡମ୍ବରୁଧର ବେହେରା : କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଅସୁରେଶ୍ୱର ଦଧିବାମନ ଜୀଉ ପ୍ରାଥମିକ ବିଦ୍ୟାଳୟ ରେ ଦେଖିବାକୁ ମିଳିଛି ଗଦା ଗଦା ମଦ ବୋତଲ , ପାଣି ପାଉଚ ଏବଂ ଗ୍ଲାସ . ଗ୍ରୀଷ୍ମ ଋତୁ ପାଇଁ ସକାଳୁଆ ସ୍କୁଲ ଚାଲିଥିବା ବେଳେ ସକାଳୁ ପିଲା ମାନେ ଆସି ମଦ ବୋତଲ ପାଣି ପାଉଚ ଗ୍ଲାସ ସଫା କଲା ପରେ ସ୍କୁଲରେ ପ୍ରାର୍ଥନା କରାଯାଉଛି . ଏଥିରୁ ସ୍ପଷ୍ଟ ବାରି ହେଉଛି ପିଲାଙ୍କ ଭବିଷ୍ୟତ କେତେ ଉଜ୍ୱଳ . ଏ ବିଷୟରେ ପ୍ରଧାନ ଶିକ୍ଷକ କିଛି କହିବା ପାଇଁ ନାରାଜ , ଏଠାରେ ରାତିରେ ପୋଲିସ ପେଟ୍ରୋଲିଙ୍ଗ ହେଉଥିଲେ ମଧ୍ୟ ସ୍କୁଲ ଟି ମୁଖ୍ୟ ରାସ୍ତା ପାର୍ଶ୍ଵରେ ଥାଇ ସୁଦ୍ଧା ପୋଲିସ ଜାଣି ପାରୁନାହିଁ କିପରି . ସରକାର ଙ୍କ ମଡେଲ ସ୍କୁଲ ସାଜିଥିବା ଅସୁରେଶ୍ୱର ଉଚ୍ଚ ବିଦ୍ୟାଳୟ ପରିସରରେ ମଦୁଆ ଙ୍କ ଆଡ୍ଡାସ୍ଥଳୀ ନେଇ ସ୍ଥାନୀୟ ଅଭିଭାବକ ମହଲରେ ତେଜୁଛି ଅସନ୍ତୋଷ .
