ଦଶପଲ୍ଲା ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ଼ ଜିଲ୍ଲା ଦଶପଲ୍ଲା କୁଆଁରୀଆ ମହୋତ୍ସବର ଦ୍ଵିତୀୟ ସନ୍ଧ୍ୟାରେ ଓଡିଶା ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ରୂପେ ଯୋଗ ଦେଇଥିଲେ । ସେ ତାଙ୍କର ସଙ୍ଗୀତ ମାଧ୍ୟମରେ ଉପସ୍ଥିତ ଜନତା ଙ୍କୁ ବିଭୋର କରିଥିଲେ । ମଞ୍ଚ ଉପରେ ସେ ପାରମ୍ପରିକ କୃଷ୍ଣ ଭଜନ ଗାଇଥିଲେ । ଅନ୍ୟ ମାନଙ୍କ ମଧ୍ୟରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ଜିଲା ପରିଷଦ ସଭାପତି ଦେବାଶିଷ ପଟନାୟକ , ସ୍ଥାନୀୟ ବ୍ଲକ ପ୍ରଶାସନ ଉପସ୍ଥିତ ଥିଲେ । ପଲିଶ୍ରୀ ମେଳା ରେ ଗ୍ରାମୀଣ ହସ୍ତ କଳା ବିଶେଷ କରି ବାଉଁଶ ରେ ତିଆରି ବିଭିନ ସାମଗ୍ରୀ ଲୋକ ମାନଙ୍କୁ ଆକୃଷ୍ଟ କରିଥିଲା । ଗଡ଼ମେକର କେନ୍ଦ୍ରାପଡା, ରଙ୍ଗଶାଳା ପୁରୀର କଳାକାର ମାନେ ନୃତ୍ୟ ପରିବେଷଣ କରିଥିଲେ । ମହୋତ୍ସବର ତୃତୀୟ ସନ୍ଧ୍ୟା ତଥା ଉଦଯାପନୀ ଉତ୍ସବରେ କନ୍ଧମାଳ ସାଂସଦ ଡ଼ ଅଚୁତାନନ୍ଦ ସାମନ୍ତ ମୁଖ୍ୟ ଅତିଥି ରୂପେ ଯୋଗଦାନ କରିବେ । ତେବେ ଦଶପଲ୍ଲା ରେ ଖୁବ ଶୀଘ୍ର ଏକ ଅତ୍ୟାଧୁନିକ ନୂତନ ବସଷ୍ଟାଣ୍ଡ ନିର୍ମାଣ ହେବ ଏବଂ ସେଥିପାଇଁ ଆଵଶ୍ୟକ ଭିତ୍ତିଭୂମି ର ବିକାଶ ସରିଲାଣି , ଏହା ଖୁବ ଶୀଘ୍ର ନିର୍ମାଣ କରାହେବ ବୋଲି ମନ୍ତ୍ରୀ କହିଛନ୍ତି ।
