ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ତାଳଚେର ଥାନା ଅନ୍ତର୍ଗତ ଚାଇଁପାଳ ନିକଟସ୍ଥ ଗୁରୁଜାଙ୍ଗୁଲି ଛକରେ ଆଜି ସକାଳେ ଏକ ଭୟଙ୍କର ସଡକ ଦୁର୍ଘଟଣା ଘଟିଛି । ବଅଁରପାଳ ଆଡୁ ଆସୁଥିବା ଏକ କାରକୁ ଟ୍ରକ୍ ଧକ୍କା ଦେବାରୁ କାରଟି ପଛରୁ ଆସୁଥିବା ଏକ ଟ୍ରକ ମଝିରେ ଚାପି ହୋଇଯାଇଛି । ଗାଡିଟି ଯେଭଳି ଭାବେ ଚାପି ହୋଇରହିଛି ସେଥିରୁ ବଞ୍ଚିବା ଅସମ୍ଭବ । ତଥାପି ଭାଗ୍ୟବଶତଃ କାର ଡ୍ରାଇଭର ବଞ୍ଚି ଯାଇଥିବା ଜଣାଯାଇଛି । ସୂଚନାନୁଯାୟୀ, ଆଜି ସକାଳ ୫.୩୦ ରେ ଗୁରୁଜାଙ୍ଗୁଲି ଛକରେ ବଅଁରପାଳ ଆଡୁ ଆସୁଥିବା ଏକ କାରକୁ ଟ୍ରକ୍ ଧକ୍କା ଦେଇଥିଲା । ଫଳରେ କାରଟି ଭାରସାମ୍ୟ ହରାଇ ଥରେ ବୁଲି ପଡ଼ି ପଛରୁ ଆସୁଥିବା ଏକ ଟ୍ରକ ମଝିରେ ଫସି ଯାଇଥିଲା । ଏହି ଦୁର୍ଘଟଣାରେ କାର ଚାଳକଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି । କାର ଚାଳକ ଜଣଙ୍କ ହେଲେ ଏନଟିପିସି ଅଞ୍ଚଳର ଶିବରାମ ସାହୁ । ଖବର ପାଇ ପୁଲିସ ପହଞ୍ଚିଥିଲେ ମଧ୍ୟ କାରର କ୍ଷତିପୂରଣ ନିମନ୍ତେ କୌଣସି ନିଷ୍ପତ୍ତି ହୋଇପାରି ନଥିବାରୁ ରାଜରାସ୍ତା ଉପରେ ଦୁଇଟି ଟ୍ରକ ମଝିରେ କାର ଫସି ରହିଥିବା ଦେଖାଯାଇଛି । ପ୍ରକାଶ ଯେ ଗତ କାଲି ସନ୍ଧ୍ୟା ବେଳେ ମଧ୍ୟ ତାଳଚେର ନିକଟରେ ଜାତୀୟ ରାଜପଥ ଉପରେ ଏକ ଦୁର୍ଘଟଣା ଘଟିଥିଲା ।
