ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ସ୍ଵର୍ଗତ ଲକ୍ଷ୍ମୀଧର ଜେନାଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ଲକ୍ଷ୍ମୀ ନାରାୟଣ ପୂଜା କମିଟି, ବିଜୁ ଯୁବ ଜନତା ଦଳ ଓ ଓଡ଼ିଶା ମୋ ପରିବାର ର ମିଳିତ ସହଯୋଗରେ ବୁଧବାର ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଛି । ସ୍ଥାନୀୟ ହେମସୁରପଡ଼ାସ୍ଥିତ ଲକ୍ଷ୍ମୀ ନାରାୟଣ ପାଠାଗାରରେ ଅନୁଷ୍ଠିତ ଏହି ଶିବିରରେ ମୋଟ ୮୮ ୟୁନିଟ ରକ୍ତ ସଂଗ୍ରହ ହୋଇଛି । ପୂଜା କମିଟିର ସଦସ୍ୟ ମାନେ ସ୍ଵର୍ଗତ ଲକ୍ଷ୍ମୀଧର ଜେନା, ସ୍ଵର୍ଗତ ଅନୀଲ କୁମାର ମିଶ୍ର ଓ ସ୍ଵର୍ଗତ ଅଭିଜିତ୍ ପଟ୍ଟନାୟକଙ୍କ ସ୍ମୃତି ଉଦ୍ଦେଶ୍ୟରେ ରକ୍ତଦାନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ରକ୍ତଦାନ ଶିବିରକୁ ଲକ୍ଷ୍ମୀଧର ଜେନାଙ୍କ ପତ୍ନୀ ବିଜୟଲକ୍ଷ୍ମୀ ସାମଲ ଓ ବିଜୁ ଯୁବ ଜନତା ଦଳର ସଭାପତି ଦିନେଶ ପ୍ରଧାନ ଉଦଘାଟନ କରିଥିଲେ । ଅତିଥି ଭାବେ ଅନୁଗୁଳ ନଗରପାଳ ଅକ୍ଷୟ କୁମାର ସାମନ୍ତ, ସାଂସଦଙ୍କ ପ୍ରତିନିଧି ଭକ୍ତି ପ୍ରସାଦ ଦାସ, ପୂର୍ବତନ କାଉନସିଲର ବୁଢ଼ା ଦେହୁରୀ ଯୋଗ ଦେଇଥିଲେ । ଏହି ଶିବିରକୁ ପୂଜା କମିଟିର ସଭାପତି ବିରେନ୍ଦ୍ର ନାୟକ, ସମ୍ପାଦକ ଅନୀଲ ଲେଙ୍କା, ସୁବ୍ରତ ପ୍ରଧାନ, ଚିନ୍ମୟ ପାଢ଼ୀ, ପ୍ରଦୀପ ବାରିକ, ଶ୍ରୀକାନ୍ତ ପ୍ରଧାନ, ପ୍ରଶାନ୍ତ ଦେହୁରୀ ପରିଚାଳନା କରିଥିଲେ ।
