ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ଶାକ ଦ୍ଵୀପ ସୌର ବ୍ରାହ୍ମଣ ସମାଜର ବାର୍ଷିକ ସାଧାରଣ ସଭା ଓ ଜ୍ୟୋତିଷ ସମ୍ମିଳନୀ ବାଉଁଶିଆପଡା ଠାରେ ୨ ଦିନ ଧରି ଅନୁଷ୍ଠିତ ହୋଇଅଛି । ନୟାଗଡ ଜିଲ୍ଲା ସୌର ବ୍ରାହ୍ମଣ ସମାଜର ସଭାପତି ପୂର୍ଣ୍ଣଚନ୍ଦ୍ର ନାୟକଙ୍କ ସଭାପତିତ୍ଵର ସଭା କାର୍ଯ୍ୟ ଆରମ୍ଭ ହୋଇଥିଲା ।
ଉକ୍ତ ସଭାରେ ଓଡଗାଁ ପଞ୍ଚାୟତ ସମିତିର ଅଧ୍ୟକ୍ଷ ଲୋକନାଥ ସାହୁ ମୂଖ୍ୟ ଅତିଥି ରୂପେ ଯୋଗ ଦେଇଥିଲେ । ରାଜ୍ୟ ଦୈବଜ୍ଞ ବ୍ରାହ୍ମଣ ମହାସଂଘର ସଭାପତି ସନ୍ତୋଷ କୁମାର ମିଶ୍ର, ଉପ-ସଭାପତି ରମାକାନ୍ତ ମହାପତ୍ର, ଲୋକସମ୍ପର୍କ ସମ୍ପାଦକ ସନ୍ତୋଷ କୁମାର ମହାପାତ୍ର ଉପସ୍ଥିତ ଥିବା ସମୟରେ ନୟାଗଡ ମଣ୍ଡଳ ସଭାପତି ପ୍ରଫୁଲ ଚନ୍ଦ୍ର ନାୟକ ସ୍ଵାଗତ ଭାଷଣ ଦେଇଥିଲେ ଓ ସମ୍ପାଦକ ରତ୍ନାକର ନାୟକ ବାର୍ଷିକ ବିବରଣୀ ପ୍ରଦାନ କରିଥିଲେ । ଶିଶିର କୁମାର ନାୟକ କାର୍ଯ୍ୟକ୍ରମ ଶେଷରେ ଧନ୍ୟବାଦ ଅର୍ପଣ କରିଥିଲେ , ଉକ୍ତ ସଭାରେ ରଙ୍କନିଧି ନାୟକ ,ସୁଶାନ୍ତ କୁମାର ନାୟକ, ଦୁର୍ଯ୍ୟୋଧନ ନାୟକ, କୁମୁଦ କୁମାର ନାୟକ, ସୁବଳ ଚରଣ ନାୟକ, ଶିବରାମ ନାୟକ, ଚିନ୍ତାମଣି ନାୟକ, ଧନେଶ୍ଵର ନାୟକ ଓ କୁମର ନାୟକ ଜ୍ୟୋତିଷ ଶାସ୍ତ୍ର ଉପରେ ଆଲୋକପାତ କରିଥିଲେ ଏବଂ ସମୂହ ବ୍ରତୋପନୟନ, ଶାମ୍ବ ଦଶମୀ ଦିନ ସୂର୍ଯ୍ୟପୂଜା ଓ ହୋମ ଯଜ୍ଞ କରାଯିବ ବୋଲି ସର୍ବ ସମ୍ମତି କ୍ରମେ ଗୃହୀତ ହୋଇଛି ।
