ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ଅନୁଗୁଳ ବନଖଣ୍ଡ ବନ୍ତଳା ରେଞ୍ଜରେ ଜଣେ ମହିଳା ହାତୀ ଆକ୍ରମଣ ରେ ଗୁରୁତର ହୋଇଛନ୍ତି l ସୂଚନା ଅନୁଯାୟୀ ବନ୍ତଳା ରେଞ୍ଜ ଅଧୀନରେ ଥିବା ବାରଗୌଣିଆ ପଞ୍ଚାୟତର ମାଗୁରାଖାଲ ଗ୍ରାମରେ ଆଜି ମହିଳାଙ୍କୁ ହାତୀ ଆକ୍ରମଣ କରିଥିବାରୁ ଗୁରୁତର ହୋଇଛନ୍ତି l ଗୁରୁତର ମହିଳା କନକ ସାହୁ (45) ନିଜ ଭେଣ୍ଡିପଦା କୁ ଯାଇଥିଲେ l ଭେଣ୍ଡି ତୋଳି ସାରି ଶୌଚ ପାଇଁ ଯାଇଥିଲେ l ସେଠାରେ ସେ ହାତୀ ହାବୁଡ଼ରେ ପଡ଼ିଥିଲେ l ହାତୀ କନକ ସାହୁ ଙ୍କୁ ଆକ୍ରମଣ କରିଥିଲା l ଫଳରେ ତାଙ୍କର ଗୋଡ଼ରେ ଗଭୀର ଆଘାତ ଲାଗିଛି l ଏନେଇ ଗ୍ରାମବାସୀ ବନବିଭାଗ କୁ ଖବର ଦେଇଥିଲେ l ଘଟଣା ସ୍ଥଳରେ ବନବିଭାଗ ପହଞ୍ଚି ତଦନ୍ତ କରି ଗୁରୁତର ମହିଳା ଙ୍କୁ ମେଡିକାଲ ରେ ଭର୍ତ୍ତି କରିଛନ୍ତି l ବନ୍ତଳା ରେଞ୍ଜ ଅଧିକାରୀ କହିଛନ୍ତି ଯେ ମେଡିକାଲ ଖର୍ଚ୍ଚ ବହନ କରିବା ସହିତ ଅନୁକମ୍ପା ଆପ୍ ମାଧ୍ୟମରେ ମେଡିକାଲ ରିପୋର୍ଟ ଆସିବା ପରେ ତାଙ୍କୁ କ୍ଷତି ପୂରଣ ପ୍ରଦାନ କରାଯିବ l
