ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ପବିତ୍ର ହେରାପଞ୍ଚମୀ ଅବସରରେ ନୟାଗଡ଼ ର ଅଗ୍ରଣୀ ସଙ୍ଗୀତ ଅନୁଷ୍ଠାନ ଶ୍ରୀ ସୃଜନ ପକ୍ଷରୁ ଘିଡିଘିଡି ଗଡ଼େ ରଥ ସଙ୍ଗୀତ ଭିଡିଓ ଲୋକାର୍ପିତ ହୋଇଛି । ଗୁଣ୍ଡିଚା ମନ୍ଦିର ନିକଟ ନନ୍ଦିଘୋଷ ରଥ ସମୁଖରେ ବରିଷ୍ଠ କଣ୍ଠଶିଳ୍ପୀ ସୁର ଗନ୍ଧର୍ବ ନବକିଶୋର ମିଶ୍ର ଙ୍କ କର କମଳରେ ସଙ୍ଗୀତ ଭିଡିଓ ଉଦଘାଟିତ ହୋଇଯାଇଛି । ଘିଡିଘିଡି ଗଡ଼େ ରଥ ସଙ୍ଗୀତ ଭିଡିଓ କୁ ଗୀତିକାର ତଥା ନାଟ୍ୟଭୂଷଣ ଡକ୍ଟର ବିଜୟ କୁମାର ଚୋୖଧୁରୀ ରଚନା କରିଥିବା ବେଳେ ସଙ୍ଗୀତ ଏବଂ କଣ୍ଠଦାନ ଦେଇଛନ୍ତି ଶ୍ରୀ ସୃଜନ ର ସମ୍ପାଦିକା ଅଧ୍ୟାପିକା ଜୟଶ୍ରୀ ଦେବୀ । ସଙ୍ଗୀତ ଭିଡିଓ ର ଲୋକାର୍ପଣ କାର୍ଯ୍ୟକ୍ରମ ସମୟରେ ସମସ୍ତ ସଦସ୍ୟ ଉପସ୍ଥିତ ରହି କାର୍ଯ୍ୟକ୍ରମକୁ ସୁଚାରୁ ରୂପେ ସମ୍ପାଦନା କରିଥିଲେ । ଏହି ସଙ୍ଗୀତ ଶୁଣି ଭକ୍ତ ମାନେ ଭାବ ବିଭୋର ହୋଇପଡ଼ିଥିବା ବେଳେ ଗୀତିକାର ଏବଂ ସଂଗୀତକାର ଙ୍କୁ ଧନ୍ୟବାଦ ଅର୍ପଣ କରିଛନ୍ତି ।
