ରାୟଗଡା ( ଆୱାଜ ମିଡ଼ିଆ ) – ଆଲୋକ ମହାରଣା : ପବିତ୍ର ରଥଯାତ୍ରା ଅବସରରେ ସ୍ଥାନୀୟ ମାଉସୀ ମା ପରିସରରେ ବିଭିନ୍ନ ସଂlସ୍କୃତିକ ଅନୁଷ୍ଠାନ ତରଫରୁ ଭଜନ ଓ ନୃତ୍ୟ ପରିବେଷଣ କରାଯାଇଛି l ପ୍ରଥମ ଦିନରେ ନେତାଜୀ ୟୁଥ ଆସୋସିଏସନ, ଦ୍ବିତୀୟ ଦିନରେ ସ୍ୱରସାଗର ସାଂସ୍କୃତିକ ଅନୁଷ୍ଠାନ ତରଫରୁ ସୁନାମଧନ୍ୟ କଣ୍ଠ ଶିଳ୍ପୀ ମାନଙ୍କ ଦ୍ୱାରା ଭଜନ ପରିବେଷଣ କରା ଯାଇଥିଲା l ସେହିପରି ତୃତୀୟ ଦିନରେ ଗାୟତ୍ରୀ ସଂଗଠନ ନୃତ୍ୟ ପରିବେଷଣ କରିଥିଲେ l ଏଥିରେ ମୁଖ୍ୟ ଅତିଥି ଅତିରିକ୍ତ ଜିଲ୍ଲାପାଳ ଧର୍ମାନନ୍ଦ ବେହେରା ଯୋଗଦନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ l ସମ୍ମାନିତ ଅତିଥି ଭାବରେ ଉପଜିଲ୍ଲାପାଳ ରାୟଗଡା ଭୀମସେନ ଶବର, ତହସିଲଦାର ରାୟଗଡା ତାପସ କୁମାର ରାଉତ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବସନ୍ତ କୁମାର ପ୍ରଧାନ, ଜିଲ୍ଲା ସଂସ୍କୃତି ଅଧିକାରୀ ସସ୍ମିତା ବାଉରୀ ପ୍ରମୁଖ ଯୋଗଦାନ କରି କାଳକlର ମାନଙ୍କୁ ଉତ୍ସାହିତ କରିଥିଲେ l ଗାୟତ୍ରୀ ସଂଗଠନର ସଭାପତି ଜେ . ସୁକାନ୍ତ ଙ୍କ ଉଦ୍ୟମରେ ଏହି ନୃତ୍ୟ କାର୍ଯ୍ୟକ୍ରମରେ ୧୮ ଜଣ ନୃତ୍ୟ ଶିଳ୍ପୀ ଆକର୍ଷଣୀୟ ନୃତ୍ୟ ପରିବେଷଣ କରି ଦର୍ଶକଙ୍କୁ ମୁଗ୍ଧ କରିଥିଲେ l
