ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ସାରା ଦେଶରେ ରାଷ୍ଟ୍ରପତି ନିର୍ବାଚନ କୁ ନେଇ ରାଜନୈତିକ ଦଳ ଭିତରେ ଛକା ପଞ୍ଝା ଲାଗି ରହିଥିବା ବେଳେ । ବାଲୁଗାଁ ବିଜେପି ପକ୍ଷରୁ ଏକ ଭିନ୍ନ ପ୍ରୟାସ ଦେଖିବାକୁ ମିଳିଥିଲା । ସୂଚନା ଅନୁସାରେ ଆଜି ଦେଶରେ ନୂତନ ମହାମାନ୍ୟ ରାଷ୍ଟ୍ରପତି ନିର୍ବାଚନ ପାଇଁ ସମସ୍ତ ଦଳ ଅଣ୍ଟା କସିଥିବା ନଜିର ରହିଛି । ନିଜ ନିଜ ପ୍ରାର୍ଥୀଙ୍କ ପାଇଁ ନେତା ଲାଗି ପଡିଛନ୍ତି , ବିପକ୍ଷ ନେତା ଙ୍କ ମନ ଜିଣି ଭୋଟ ନିଜ ସପକ୍ଷରେ ହାତେଇବା ପାଇଁ । କେଉଁଠାରେ ଦେଖାଦେଇଛି ନେତା ନେତାଙ୍କ ମଧ୍ୟରେ ବାକ ଯୁଦ୍ଧ ତ ଓ ଅନ୍ୟ କେଉଁଠାରେ ଦେଖା ଦେଇଛି ପ୍ରାର୍ଥୀଙ୍କୁ ନେଇ ଆଶାଳୀନ ମନ୍ତବ୍ୟ । କିନ୍ତୁ ବାଲୁଗାଁ ବିଜେପି ପକ୍ଷରୁ ବାବା ଉମାମହେଶ୍ୱର ପ୍ରାଙ୍ଗଣରେ ଏନଡିଏ ପାର୍ଥି ଦ୍ରୌପଦୀ ମୁର୍ମୁ ଙ୍କ ନିର୍ବାଚନ ବିଜୟୀ ହେବା ମନାସି ଦୀପ ଦାନ କରାଯାଇଛି । କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲା ବିଜେପି କାର୍ଯ୍ୟକାରିଣୀ ସଭାପତି ସ୍ୱପ୍ନା ବଡ଼ଜେନା , ବାଲୁଗାଁ ନଗର ମଣ୍ଡଳ ସଭାପତି ନିରଞ୍ଜନ ସେଠୀ ଙ୍କ ସମେତ ସମସ୍ତ ବାଲୁଗାଁ ଏନଏସି କାଉନସିଲର ଓ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।
