ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଲାୟନ୍ସ କ୍ଲବ ଇଣ୍ଟରନାସନାଲ ଜ଼ିଲ୍ଲା 322 ସି. ଏସ ତରଫରୁ ଭୁବନେଶ୍ୱର ତାଜ ବିବାନ୍ତ ଠାରେ ଜ଼ିଲ୍ଲା ବାର୍ଷିକ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଥିଲା | ଏହି ପୁରସ୍କାର ବିତରଣ ଅବସରରେ ସମାଜସେବୀ ଉମେଶ ଖଣ୍ଡେଲୱାଲଙ୍କୁ କରୋନା କାଳରେ କରିଥିବା ଅଭୁତ୍ତ୍ୱ ପୂର୍ଵ ସେବା ପାଇଁ କରୋନା ଯୋଦ୍ଧା ସମ୍ମାନରେ ସମ୍ମାନୀତ କରାଯାଇଛି | ଶ୍ରୀ ଖଣ୍ଡେଲୱାଲ ଙ୍କ ନେତୃତ୍ୱରେ କରୋନା ମହାମାରୀ କାଳରେ ଏକ ଲକ୍ଷ କୋଡିଏ ହଜାର ଲୋକଙ୍କୁ ରନ୍ଧା ଖାଦ୍ୟ ଏବଂ ଶୁଖିଲା ଖାଦ୍ୟ ପୁଡିଆ ବିତରଣ ସହ ଅକ୍ସିଜେନ ସିଲିଣ୍ଡର , ଅକ୍ସିଜେନ କନେକଟର ମେସିନ , ଔଷଧ ଏବଂ ଆମ୍ବୁଲାନ୍ସ ଯୋଗାଇ ଦିଆଯାଇଥିଲା | ଶ୍ରୀ ଖଣ୍ଡେଲୱାଲଙ୍କ ନିରନ୍ତର ସମାଜ ସେବା ଆଜି କୁ ପଚିଶ ବର୍ଷ ପୂର୍ବରୁ ଚାଲୁ ରହିଛି | ସ୍ୱର୍ଗରଥ ସେବା ନିରନ୍ତର ଚାଲୁ ରହିଛି | ଏହି ସମ୍ବର୍ଦ୍ଧନା ସଭାରେ ଭୁବନେଶ୍ୱର ସାଂସଦ ଶ୍ରୀମତୀ ଅପରାଜିତା ଷଢଙ୍ଗୀ ମୁଖ୍ୟ ଅତିଥି ଭାବରେ, ଖୋର୍ଦ୍ଧା ଜ଼ିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଏବଂ ଲାୟନ୍ସ କ୍ଲବର ପୂର୍ବତନ ଗଭର୍ଣ୍ଣର ଭଗବାନ ଗୁପ୍ତାଙ୍କ ସହିତ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ |
