ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ପାରଳାଖେମୁଣ୍ଡି ୟୁନିଅନ ବ୍ୟାଙ୍କ୍ ଦ୍ଵାରା ପରିଚାଳିତ ପାରଳାଖେମୁଣ୍ଡି ସ୍ଥିତ ଗ୍ରାମୀଣ ଆତ୍ମ ନିଯୁକ୍ତି ପ୍ରଶିକ୍ଷଣ ଅନୁଷ୍ଠାନ ଦ୍ଵାରା ୨୬ ତାରିଖ ମଙ୍ଗଳବାର ଠାରୁ ମହମବତୀ ତିଆରି ଟ୍ରେନିଂ ନୂଆଗଡ ବ୍ଲକ ର ବଡପଦା ଠାରେ ଆରମ୍ଭ ହେଇଛି । ଏହି ଟ୍ରେନିଂ ଆଗାମୀ ୧୦ ଦିନ ଧରି ଚାଲିବ । ଏହାର ଉଦଘାଟନ ସଭାରେ ଅନୁଷ୍ଠାନ ର ବରିଷ୍ଠ ପ୍ରାଧ୍ୟାପକ ଦିଲ୍ଲୀପ କୁମାର ତନ୍ତୀ ସଭାପତିତ୍ବ କରିଥିଲେ । ସମ୍ମାନିତ ଅତିଥି ରୂପେ ନୂଆଗଡ ବ୍ଲକ ଓଏଲଏମ ବିପିଏମ ସତ୍ୟବାଦୀ ପାଇକ ଏବଂ ବଡପଦା ପଞ୍ଚାୟତ ଏମବିକେ ସୁଶ୍ରୀ ରଶ୍ମିତା ଗୁରୁ ଯୋଗ ଦେଇଥିଲେ । ଅତିଥି ଏବଂ ନିର୍ଦ୍ଦେଶକ ପ୍ରତିଭାଗି ମାନଙ୍କୁ ଉତ୍ତମ ଭାବେ ପ୍ରଶିକ୍ଷଣ ନେଇ ଆତ୍ମନିଯୁକ୍ତ ହେବା ସଙ୍ଗେ ସଙ୍ଗେ ଉତ୍ତୋରତ୍ତର ଉନ୍ନତି କରିବାକୁ ପରାମର୍ଶ ଦେଇଥିଲେ । ବଡପଦା ପଞ୍ଚାୟତ ର ୩୫ ଜଣ ସ୍ଵୟଂ ସହାୟିକା ଗୋଷ୍ଠୀ ସଦସ୍ୟା ପ୍ରଶିକ୍ଷଣ ନେବେ । ଏମାନଙ୍କୁ ତାଲିମ ଦେବା ପାଇଁ ସୁଦୂର ପୁରୀ ଜଗନ୍ନାଥ ଧାମ ରୁ ଶ୍ରୀମତୀ ପ୍ରିୟଦର୍ଶିନୀ ମିଶ୍ର ଆସୁଛନ୍ତି ।
