ନିଶ୍ଚିନ୍ତକୋଇଲି ( ଆୱାଜ ମିଡ଼ିଆ ) – ଡମ୍ବରୁଧର ବେହେରା : ଗଣପର୍ବ ନୂଆଖାଇ ଅବସରରେ କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଅସୁରେଶ୍ଵର ପଞ୍ଚାୟତ କେନ୍ଧୁଲ ଠାରେ ଥିବା ବହ୍ମ ଅବଧୂତ ତାରକ ଦାସ ଙ୍କ ପ୍ରତିଷ୍ଠିତ ମହିମା ଆଶ୍ରମ ରେ ଅଲେଖ ଧର୍ମାବଲମ୍ବୀ ମାନେ ପାଳନ କରିଛନ୍ତି ଗଣପର୍ବ ନୂଆଖାଇ । ଏହି ଅବସରରେ ବ୍ରହ୍ମ ଅବଧୂତ ତାରକ ଦାସ ଙ୍କ ପଟ ଶିଷ୍ୟ ବାବା କେଶବ ଚନ୍ଦ୍ର ଦାସ ଙ୍କ ନେତୃତ୍ବରେ ନୁଆଖାଇ ପାଇଁ ନୁଆ ଧାନରେ ଚୁଡା ପ୍ରସ୍ତୁତ କରି ପ୍ରଭୁ ଙ୍କ ନିକଟରେ ନବାହ୍ନ ଲାଗି କରାଯାଇଥିଲା । ଏହି ନୂଆଖାଇ ଉତ୍ସବ ପାଳନ ନିମନ୍ତେ ଦୁର ଦୁରାନ୍ତ ରୁ ଆସି ସମସ୍ତ ଅଲେଖ ଧର୍ମାବଲମ୍ବୀ ସାଧୁସନ୍ଥ ଯୋଗ ଦେଇଥିଲେ । ସଂନ୍ଧ୍ୟା ସମୟରେ ଜଗତର କଲ୍ୟାଣ ନିମନ୍ତେ ସମସ୍ତ ସାଧୁସନ୍ଥ ପ୍ରଭୁଙ୍କୁ ପ୍ରାର୍ଥନା କରିବା ସହିତ ଗୁରୁ କେଶବ ଚନ୍ଦ୍ର ଦାସ ଅଖଣ୍ଡ ଧୂନୀ ପକାଇଥିଲେ । ସେଠାରେ ଏକ ଭକ୍ତଭାବ ର ମହଲ ସୃଷ୍ଟି ହୋଇଥିଲା । ପ୍ରଭୁ ଙ୍କୁ ଉତ୍ସର୍ଗ ହୋଇଥିବା ନୁଆ ଧାନ ରୁ ପ୍ରସ୍ତୁତ ଅନ୍ନ କୁ ସମସ୍ତ ସାଧୁସନ୍ଥ, ଭକ୍ତ ସମେତ ଅଞ୍ଚଳ ବାସୀ ମାନେ ପ୍ରସାଦ ସେବନ କରିଥିଲେ । ରାତି ତମାମ ପ୍ରଭୁଙ୍କ ଉଦେଶ୍ୟ ରେ ସାଧୁସନ୍ଥ ମାନେ ଭଜନ କୀର୍ତ୍ତନ ପରିବେଷଣ କରିଥିଲେ ।
