ଯାଜପୁର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ମହାମାରୀ କରୋନାକୁ ବିନାଶ କରିବା ପାଇଁ ଆଜକୁ ୯୦୬ ଦିନ ଧରି ନିରବଚ୍ଛିନ୍ନ ପ୍ରକ୍ରିୟାରେ ସଂଗ୍ରାମ ଜାରି ରଖିଛି ବାବଲପୁରସ୍ଥିତ ଅଗ୍ରଣୀ ସମାଜ କଲ୍ୟାଣକାରୀ ଲୋକ ସଙ୍ଗଠନ ଚିନ୍ମୟ ଫାଉଣ୍ଡେସନ୍ । ଫାଉଣ୍ଡେସନର ପ୍ରତିଷ୍ଠାତା ଅଧ୍ୟକ୍ଷ ଚିନ୍ମୟ ଦାଶଙ୍କ ନିର୍ଦ୍ଦେଶ କ୍ରମେ ଦିନ ସଂଖ୍ୟା ୯୦୦ ରୁ ୯୦୬ ପର୍ଯ୍ୟନ୍ତ ସାତଦିନ ଧରି ପୂର୍ବ ଯାଜପୁର ଓ କେନ୍ଦ୍ରାପଡା ଜିଲ୍ଲାର ବିଭିନ୍ନ ଅଞ୍ଚଳରେ ଏହି କାର୍ଯ୍ୟକ୍ରମ ଜାରି ରହିଥିବାର ଦେଖିବାକୁ ମିଳିଛି । ସ୍ବେଚ୍ଛାସେବୀ ଶ୍ରୀକ୍ଷେତ୍ର ସାହୁଙ୍କ ନେତୃତ୍ୱରେ, ସାଗର ମଲ୍ଲିକଙ୍କ ସମେତ ବହୁ ସ୍ବେଚ୍ଛାସେବୀ ଏହି କାର୍ଯ୍ୟରେ ସହଯୋଗ କରିଥିଲେ । ଏହି ସ୍ବେଚ୍ଛାସେବୀ ମାନେ ଲୋକମାନଙ୍କୁ ଓ.ଆର.ଏସ, ମାକ୍ସ, ସାବୁନ, ସାନିଟାଇଜର, ହ୍ୟାଣ୍ଡ ଗ୍ଲୋବ୍ସ, ଡେଟଲ, ଫିନାଇଲ ,ବ୍ଲିଚିଂ ଆଦି ବଣ୍ଟନ ସହ ସଚେତନ କରୁଥିବାର ଦେଖିବାକୁ ମିଳିଛି ।
