ଭାପୁର ( ଆୱାଜ ମିଡ଼ିଆ ) – ବିଶ୍ବଜିତ ବାରିକ : ଭାରତ ସରକାରଙ୍କ ଜାତୀୟ ଯୁବ ଏବଂ କ୍ରୀଡ଼ା ମନ୍ତ୍ରଣାଳୟ ଅଧୀନରେ ଆସୁଥିବା ନେହେରୁ ଯୁବ କେନ୍ଦ୍ର, ନୟାଗଡ଼ ତରଫରୁ ଆଜି ଭାପୁର ବ୍ଲକ୍ ଅନ୍ତର୍ଗତ ପ୍ରହଲ୍ଲାଦ କନିଷ୍ଠ ମହାବିଦ୍ୟାଳୟ ଠାରେ ଯୁବ ଉତ୍ସବ କାର୍ଯ୍ୟକ୍ରମ ଆୟୋଜିତ ହେଇଥିଲା । କାର୍ଯ୍ୟକ୍ରମକୁ କଲେଜର ଅଧ୍ୟାପକ ତଥା NSS ପ୍ରୋଗ୍ରାମ ଅଫିସର ବିନୟ କୁମାର ସାହୁ ପରିଚାଳନା କରିଥିଲେ । ଏଥିରେ ଭାପୁର ବ୍ଲକ୍ ର ଜାତୀୟ ଯୁବ ସ୍ଵେଚ୍ଛାସେବୀ ସତ୍ୟବ୍ରତ ମହାରଣା ଓ ପ୍ରାଚୀ ତନୟା ମିଶ୍ର ଯୋଗ ଦେଇଥିଲେ । ପ୍ରତିଯୋଗୀ ମାନଙ୍କ ମଧ୍ୟରେ କବିତା, ବକୃତା , ଲୋକନୃତ୍ୟ, ଚିତ୍ରାଙ୍କନ, ଫଟୋଗ୍ରାଫି ଆଦି କାର୍ଯ୍ୟକ୍ରମ ହେଇଥିଲା । ପ୍ରତିଯୋଗିତାରେ ପାରଦର୍ଶୀତା ହାସଲ କରିଥିବା ପ୍ରତିଯୋଗୀଙ୍କୁ ଅତିଥି ମାନଙ୍କ ଦ୍ଵାରା ମାନପତ୍ର ପ୍ରଦାନ କରାଯାଇଥିଲା । ସୂଚନା ଥାଉ କି ବ୍ଲକ୍ ସ୍ତରରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ମାନେ ଅକ୍ଟୋବର ୧୧ ତାରିଖ ରେ ହେବାକୁ ଥିବା ଜିଲ୍ଲା ସ୍ତରୀୟ ଯୁବ ଉତ୍ସବ କାର୍ଯ୍ୟକ୍ରମ ରେ ଭାଗନେବେ । ଉକ୍ତ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଉଛି ଗ୍ରାମାଞ୍ଚଳର ଯୁବ ପ୍ରତିଭା ମାନଙ୍କୁ ଚୟନ କରିବା । ଏଥିପାଇଁ ଜିଲ୍ଲା କାର୍ଯ୍ୟାଳୟ ତରଫରୁ ବିଭିନ୍ନ ପୁରସ୍କାର ରାଶି ମଧ୍ୟ ଘୋଷଣା କରାଯାଇଥିବା ସୂଚନା ମିଳିଛି । ଏଭଳି କାର୍ଯ୍ୟକ୍ରମ ଦ୍ଵାରା ଛାତ୍ର ଛାତ୍ରୀ ମାନଙ୍କର ବୌଦ୍ଧିକ ଶକ୍ତିର ବିକାଶ ହେବ ବୋଲି କଲେଜର ଅଧ୍ୟକ୍ଷା ପୂର୍ଣ୍ଣିମା ଦାସ କହିଛନ୍ତି । କଲେଜ ର ଅଧ୍ୟାପକ ଫକୀର ମୋହନ ସ୍ୱାଇଁ, ରମେଶ ଚନ୍ଦ୍ର ବରାଡ, କାଳନ୍ଦୀ ଚରଣ ନାୟକ ନେହେରୁ ଯୁବକେନ୍ଦ୍ରର ଏଭଳି କାର୍ଯ୍ୟକ୍ରମକୁ ପ୍ରଶଂସା କରିଛନ୍ତି ।
