କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : ସ୍ବର୍ଗତ ରାମବିଳାଶ ଶର୍ମା ସେବା ସଂସଦ ତରଫରୁ ଜାତିର ପିତାଙ୍କୁ ଶ୍ରଦ୍ଧାଞ୍ଜଳୀ ! ଆଜି ପବିତ୍ର ଗାନ୍ଧୀ ଜୟନ୍ତୀ ଅବସରରେ ଶିବସେନାର ପୂର୍ବତନ ଓଡ଼ିଶା ରାଜ୍ୟ ପ୍ରମୁଖ ସ୍ବର୍ଗତ ରାମବିଳାଶ ଶର୍ମା ସେବା ସଂସଦ ତରଫରୁ , ଜାତିର ପିତା ମହାତ୍ମାଗାନ୍ଧୀଙ୍କ ଜୟନ୍ତୀ ଅବସରରେ ଏକ ସ୍ମରଣ ସଭାର ଆୟୋଜନ ହୋଇଯାଇଛି । ଏହି କାର୍ଯ୍ୟକ୍ରମରେ କଟକ ବାରବାଟି ବିଧାୟକ ଇ°.ମହମ୍ମଦ ମୋକିମ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହା ବ୍ୟତୀତ କିଶୋର ମହାନ୍ତି, ପୁଷ୍ପିତା ମହାପାତ୍ର , ଦେବ କିଶୋର ପଣ୍ଡା , ସ୍ମୃତି ରଞ୍ଜନ କାନୁନଗୋ, ବଳବୀର ଶର୍ମା, ରତନ ଶର୍ମା, କିଶନ ଶର୍ମା, ବିରେନ୍ଦ୍ର ଦାସ ପ୍ରମୁଖ ଉପସ୍ଥିତ ରହି ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତୀରେ ପୁଷ୍ପ ମାଳ ପ୍ରଦାନ କରିବା ସହିତ ଗାନ୍ଧୀ ବିଚାରଧାରା ଉପରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମକୁ ସଂଗଠନର ରାଜ୍ୟ ସମ୍ପାଦକ ମନୋଜ୍ ଶର୍ମା ପରିଚାଳନା କରିଥିଲେ । ଆଗାମୀ ଦିନରେ ରାମବିଳାଶ ଶର୍ମା ସେବା ସ୍ମୃତି ସଂସଦ ତରଫରୁ କଟକ ତଥା ଓଡ଼ିଶାର ବିଭିନ୍ନ ସ୍ଥାନରେ ଉନ୍ନତି ମୂଳକ ସାମାଜିକ କାର୍ଯକ୍ରମ କରାଯିବ ବୋଲି ସଂଗଠନ ପକ୍ଷରୁ ସୂଚନା ଦିଆଯାଇଛି ।
