ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ଅନୁଗୁଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ ହରିହରପୁର ଗ୍ରାମ ପଞ୍ଚାୟତ ର ହରିହରପୁର ଗ୍ରାମର ନିରଞ୍ଜନ ପ୍ରଧାନ ଙ୍କ ବାସଗୃହଟି କୌଣସି କାରଣରୁ ନିଆଁ ଲାଗି ସମ୍ପୁର୍ଣ୍ଣ ନଷ୍ଟ ହୋଇଯାଇଛି । ପ୍ରାପ୍ତ ସୂଚନା ଅନୁଯାୟୀ ଆଜି ସକାଳ ପ୍ରାୟ ୯ ଘଣ୍ଟିକା ସମୟରେ ଶ୍ରୀ ପ୍ରଧାନଙ୍କ ଘରୁ ଧୂଆଁ ବହାରୁଥିବାର ଦୃଶ୍ୟ ଗ୍ରାମବାସୀ ମାନେ ଦେଖିବାକୁ ପାଇଥିଲେ । ଏହା ଦେଖି ଗ୍ରାମବାସୀ ମାନେ ନିଆଁ କୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ , କିନ୍ତୁ ନିଆଁ କୁ ଆୟତ୍ତ କରିପାରି ନଥିଲେ ! ସେତେବେଳେ କୁ ଘର ଟି ସମ୍ପୂର୍ଣ୍ଣ ପୋଡିଯିବା ସହିତ ଘରର ଆସବାପତ୍ର ସହିତ ବାସନ କୁସନ ସବୁ ପୋଡି ନଷ୍ଟ ହୋଇ ଯାଇଥିଲା । ପରେ ପରେ ତାଳଚେର ଅଗ୍ନିଶମ ବିଭାଗ ପହଞ୍ଚି ନିଆଁ କୁ ଲିଭାଇଥିଲେ । ନିଆଁ ଲାଗିବାର କାରଣ ଅସ୍ପଷ୍ଟ ଥିବାବେଳେ ଶ୍ରୀ ପ୍ରଧାନ ନାହିଁ ନଥିବା ଅସୁବିଧାରେ ସମୁଖୀନ ହେଉଥିବା ଜଣାପଡିଛି ।
