ଅନୁଗୁଳ ( ଆୱାଜ ମିଡ଼ିଆ ) – ଅଶ୍ବିନୀ କୁମାର ଦେବତା : ଶେଷ ହେଲା ମା ଗଜଲକ୍ଷ୍ମୀ ଙ୍କ ପୂଜା । ବିଦାୟ ନେବେ ମା ଧନଦାତ୍ରୀ, ଗାଆଁ ଠାରୁ ସହର ପ୍ରକମ୍ପିତ ହେଉଥିଲା ମା ଙ୍କ ଆଗମନରେ । ଚଳିତ ବର୍ଷ ମା ଗଜଲକ୍ଷ୍ମୀ ଙ୍କ ପୂଜା ତାଳଚେର ବ୍ଲକ୍ ଧରମପୁର ଗ୍ରାମରେ ଖୁବ୍ ଧୁମ୍ ଧାମରେ ପାଳିତ ହୋଇଯାଇଛି । ମହାବୀର ଲକ୍ଷ୍ମୀପୂଜା କମିଟି ପକ୍ଷରୁ ଆସନ୍ତା କାଲି ଭସାଣି କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଥିବା ବେଳେ ପ୍ରତି ବର୍ଷ ଭଳି ମହାବୀର ଲକ୍ଷ୍ମୀପୂଜା କମିଟି ରେ ମା ଗଜଲକ୍ଷ୍ମୀଙ୍କ ଆଜ୍ଞାମାଳ ନିଲାମ ହୁଏ । ଆଜ୍ଞାମାଳ ରେ ମା ଙ୍କ ପ୍ରତିମା, ରୂପା ଟଙ୍କା, ରୂପା ପାଉଁଜି ସହିତ ସୁନା ନାକ ଫୁଲ ଥିଲା । ଆଜି ଏହି ଆଜ୍ଞାମାଳ କୁ ନିଲାମ ଡକା ଯାଇଥିଲା । ୧୦୦୦ ଟଙ୍କା ରୁ ନିଲାମ ଆରମ୍ଭ ହୋଇ ପରିଶେଷରେ ମା ଙ୍କ ଆଜ୍ଞାମାଳ ୧୦୬୨୫୦ ଟଙ୍କା ରେ ପହଞ୍ଚିଥିଲା । ତେବେ ମହାବୀର ଲକ୍ଷ୍ମୀପୂଜା କମିଟି ର ପ୍ରତିବର୍ଷ ଏହି ଆଜ୍ଞାମାଳ ନିଲାମ କୁ ସମସ୍ତେ ଅପେକ୍ଷା କରିଥାନ୍ତି । ଆଜ୍ଞାମାଳ ନେଇଥିବା ନିଲାମ ଧାରି ମାନଙ୍କୁ ଶେଷରେ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରା ଯାଇଥିଲା । ଦୀର୍ଘ ୧୫ ବର୍ଷ ହେବ ମା ଙ୍କ ପୂଜା ଧୁମ୍ ଧାମ ରେ ପାଲିତ ହୋଇ ଆସୁଥିବା ବେଳେ ଆଗକୁ ଆହୁରି ଭଲ ଭାବରେ ପାଳିତ ହେବ ଏବଂ ଲୋକଙ୍କ ସୁଅ ଛୁଟିବ ବୋଲି ଲୋକେ ଆଶା ରଖିଛନ୍ତି ।
