ପାରାଦୀପ ( ଆୱାଜ ମିଡ଼ିଆ ) – ଚକ୍ରବର୍ତ୍ତୀ ଓତା : ୧୭ ଦଫା ଦାବି ନେଇ ପାରାଦୀପ ତୈଳ ବିଶୋଧନାଗାର ଫାଟକ ସମୁଖରେ ଶ୍ରମିକ ମାନଙ୍କ କଳା ପତାକା ପ୍ରଦର୍ଶନ ଓ ବିକ୍ଷୋଭ | ପାରାଦୀପ ଏରସମା ଶିଳ୍ପାଞ୍ଚଳ ଶ୍ରମିକ ସଂଘ ପକ୍ଷରୁ ପ୍ରାୟ 1000 ରୁ ଉର୍ଦ୍ଧ ଶ୍ରମିକ ଆଜି ଆଇଓସିଏଲ ଗେଟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି | ଶ୍ରମିକ ମାନଙ୍କୁ ଉଚିତ୍ ସମୟ ରେ ଦରମା ପ୍ରଦାନ ନକରିବା , ଶ୍ରମିକ ମାନଙ୍କ ଚୁକ୍ତି ନାମା ର ସମୟ ସରି ଯାଇଥିଲା ବେଳେ ବିଶୋଧନାଗାର କର୍ତ୍ତୁପକ୍ଷ ସେଥିରେ ସ୍ଵାକ୍ଷର ନକରିବା , ଶ୍ରମିକ ମାନଙ୍କ ଡିଉଟି ସମୟ ରେ ଖାଇବା ଓ ରେଷ୍ଟସେଡ ର ଅବ୍ୟବସ୍ଥା , କୁଶଳୀ କାର୍ଯ୍ୟରେ ନିଯୁକ୍ତି ଦେଇ ଅଣ କୁଶଳୀ ପାଉଣା ଦେବା ଆଦି ବିଭିନ୍ନ ଦାବି ବାରମ୍ବାର କରାଯାଇଥିଲା ବେଳେ କିଛି ସୁଫଳ ମିଳୁନାହିଁ | ତେଣୁ ଏହାର ପ୍ରତିବାଦ କରି ଆଜି ଶ୍ରମିକ ମାନେ କଳା ପତାକା ପ୍ରଦର୍ଶନ କରିବା ସହ କମ୍ପାନୀ କତ୍ତୃପକ୍ଷଙ୍କୁ ଏକ ୧୪ ଦିନିଆ ନୋଟିସ ପ୍ରଦାନ କରିଛନ୍ତି । ଏହି ସମୟ ମଧ୍ୟରେ ଶ୍ରମିକଙ୍କ ଦାବି ପ୍ରତି କୌଣସି ବିଚାର କରାନଯାଏ ତେବେ ବାଧ୍ୟ ହୋଇ ଶ୍ରମିକ ମାନେ କମ୍ପାନୀ ଫାଟକ ସମୁଖରେ ଧାରଣାରେ ବସିବେ ବୋଲି ପ୍ରକାଶ କରିଛନ୍ତି ।
