ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର – ବାଲୁଗାଁ ୧୬ ନମ୍ବର ଜାତୀୟ ରାଜପଥ ଅଲାଇଡିହ ଓଭରବ୍ରିଜ ନିକଟ ଭେଙ୍କେଟେଶ୍ବର ଇଂଲିଶ ମିଡିଅମ ସ୍କୁଲ ନିକଟ ବାଇପାସ କଡରେ ଥିବା ଏକ ଜଙ୍ଗଲି ଗଛରେ ଜଣେ ଯୁବକଙ୍କର ଗଳିତ ମୃତଦେହ ଝୁଲୁଥିବା ଦେଖିବାକୁ ମିଳିଛି । ଏହି ମୃତଦେହଟି ତିନି ରୁ ଚାରି ଦିନ ହୋଇଗଲାଣି ଅନୁମାନ କରାଯାଉଛି । କାହିଁକି ନା ଶରୀର ଟି ପଚି ସଢ଼ି ସେଥିରୁ ଦୁର୍ଗନ୍ଧ ବାହାରୁଛି , ଆଜି ଖବର ପାଇ ବାଣପୁର ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ଶବ ଜବତ କରି ତଦନ୍ତ ଜାରି ରଖିବା ସହ ଶବ ବେବଛେଦ ପାଇଁ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠେଇ ଦେଉଛନ୍ତି । ଏ ପର୍ଯ୍ୟନ୍ତ ମୃତ ଯୁବକଙ୍କ ପରିଚୟ ମିଳି ପାରିନାହିଁ ।
