ଚିଲିକା ( ଆୱାଜ ମିଡ଼ିଆ ) – ରାକେଶ ସାହୁ : ପୁରୀ ସ୍ଥିତ ସୁନ୍ଦରାକାଣ୍ଡ ଚାରିଟେବୁଲ ଟ୍ରଷ୍ଟ ଓ ହରିପୁର ଗ୍ରାମବାସୀଙ୍କ ମିଳିତ ସହଯୋଗରେ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ହରିପୁର ପଞ୍ଚାୟତ ଅନ୍ତର୍ଗତ ପାର୍ଶ୍ଵବର୍ତ୍ତୀ ଜଙ୍ଗଲ ମଧ୍ୟରେ ଗୋବିନ୍ଦ ଗୋଧାମ ଗୋଶାଳା ଶାଖା – ୫ ନିର୍ମାଣ ପାଇଁ ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି । ଆରାଧ୍ୟ ଠାକୁର ପ୍ରତାପେଶ୍ଵର ଦେବଙ୍କ ପୀଠରୁ ଏକ ବିରାଟ ଶୋଭାଯାତ୍ରାରେ ନାମ ସଂକୀର୍ତ୍ତନ ରେ ଶତାଧିକ ଶ୍ରଦ୍ଧାଳୁ ଭୂମି ପୂଜନ ସ୍ଥଳକୁ ଯାଇଥିଲେ । ପୁରୀରୁ ଆସିଥିବା ପଣ୍ଡିତ ମାନଙ୍କ ଦ୍ଵାରା ପୂଜା ଅନୁଷ୍ଠିତ ହୋଇଥିଲା । ରାସ୍ତା କଡ, ଟ୍ରେନ ଲାଇନ ପାର୍ଶ୍ଵ ରେ ପ୍ରତିଦିନ ଗୋରୁ ଗାଈ ଦୁର୍ଘଟଣା ର ଶିକାର ହୋଇ ମୃତ୍ୟୁ ମୁଖରେ ପଡୁଛନ୍ତି । ସେଭଳି ଅସମୟରେ ଏହି ଅନୁଷ୍ଠାନ ପକ୍ଷରୁ ଗୋସମ୍ପଦକୁ ସମସ୍ତ ପ୍ରକାର ସାହାଯ୍ୟ କରିବାକୁ ଲକ୍ଷ୍ୟ ରଖିଛନ୍ତି ବୋଲି ଆୟୋଜକ ମାନେ ପ୍ରକାଶ କରିଛନ୍ତି ।
