ନୟାଗଡ ( ଆୱାଜ ମିଡ଼ିଆ ) – ବିଶ୍ୱଭୂଷଣ ମହାପାତ୍ର : କିଛି ଦିନର ନୀରବତା ପରେ ନୟାଗଡ଼ ରାଜନୀତି ରେ ପୁଣି କମ୍ପନ l ବିଜେପି ରେ ଯୋଗଦେଲେ 300 ରୁ ଉର୍ଦ୍ଧ୍ବ ବିଜେଡି କର୍ମୀ l ପ୍ରାକ୍ତନ ସାଂସଦ ତଥା ବିଜେପି ନେତ୍ରୀ ପ୍ରତ୍ୟୁଷା ରାଜେଶ୍ୱରୀ ସିଂ ଙ୍କ ନେତୃତ୍ୱ ରେ ଓଡଗାଁ ରେ ଅନୁଷ୍ଠିତ ମିଶ୍ରଣ ପର୍ବ ରେ ବିଜେଡି କର୍ମୀ ମାନେ ଅନୁଷ୍ଠାନିକ ଭାବେ ବିଜେପି ରେ ଯୋଗ ଦେଇଛନ୍ତି l ସ୍ଥାନୀୟ ବିଧାୟକ ଅରୁଣ ସାହୁ ଙ୍କ ନେତୃତ୍ୱ ରେ ବିଜେଡି ରେ କାର୍ଯ୍ୟ କରୁଥିବା ଓଡଗାଁ ବ୍ଲକ ର ବିଜେଡି କର୍ମୀମାନେ ବିଜେପି ରେ ଯୋଗଦେବା ନୟାଗଡ଼ ରାଜନୀତି ରେ ଉଷ୍ମତା ସୃଷ୍ଟି କରିଛି l ସେପଟେ ଜିଲ୍ଲା ବିଜେପି ସଭାପତି ଲାଲା ମନୋଜ ରାୟ ଏବଂ ବିଜେପି ନେତ୍ରୀ ଇରାନୀ ଙ୍କ ଅନୁପସ୍ଥିତି ରେ ପ୍ରାକ୍ତନ ସାଂସଦ ତଥା ନୟାଗଡ଼ ର ରାଣୀ ପ୍ରତ୍ୟୁଷା ବିଜେପି ର ସମାନ୍ତରାଳ ସଭା ଆୟୋଜନ କୁ ନେଇ ରାଜନୀତି ଜୋର ଧରିଛି l ସେପଟେ ବିଜେପି ନେତ୍ରୀ ଇରାନୀ ରାୟ ଏନେଇ ପ୍ରତିକ୍ରିୟା ରଖିଛନ୍ତି l ଏହାଦ୍ୱାରା ସଂଗଠନ ମଜବୁତ ହେଉଛି ଏବଂ ଶୃଙ୍ଖଳା ଭିତରେ ରହି କାର୍ଯ୍ୟ କରିବା ଉଚିତ ବୋଲି କହିଛନ୍ତି ଇରାନୀ l
