ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ରାଜ୍ୟରେ ବିକାଶ ର ସ୍ଲୋଗାନ ଶାସକ ଦଳର ମୁଖ୍ୟ ଉଚ୍ଚାରଣ ହୋଇଥିବା ବେଳେ , ତୃଣମୂଳ ସ୍ତରରେ ଦଳୀୟ କର୍ମୀଙ୍କ ଆଚରଣ ପୁରା ଅଲଗା ! ବାଙ୍କୀ ନିର୍ବାଚନ ମଣ୍ଡଳୀ ଗୋଳାଗଣ୍ଡ ପଞ୍ଚାୟତରୁ ସାମନାକୁ ଆସିଛି ଏମିତି କିଛି ଘଟଣା ! ସରକାରଙ୍କ ତରଫରୁ ଆସିଥିବା ମୁଗ ବଣ୍ଟନରେ ଅନିୟମିତତା ଅଭିଯୋଗ ଆଣି , କାର୍ଯ୍ୟରତ ଭିଏଲଡବ୍ଲୁ ଙ୍କୁ କୈଫିୟତ ମାଗିଥିଲେ ଚାଷୀ ! ସେମାନଙ୍କ ଅଭିଯୋଗ ମୁତାବକ ପ୍ରକୃତ ଚାଷୀ ସହାୟତା ପାଇବାରୁ ବଞ୍ଚିତ ହୋଇଥିବା ବେଳେ ଜମି ନଥିବା ଲୋକଙ୍କୁ ମିଳିଛି ବସ୍ତା ବସ୍ତା ମୁଗ ! ତେବେ ରାସ୍ତା ମଝିରେ ଅଧିକାରୀ ଅଟକ ଖବର ପାଇ ସ୍ଥାନୀୟ ଜନ ପ୍ରତିନିଧି ଙ୍କର ସମର୍ଥକ ଘଟଣାସ୍ଥଳରେ ପହଞ୍ଚି ଆରମ୍ଭ କରିଥିଲେ ରୋଳା ! ଏପରିକି ଘଟଣାସ୍ଥଳରେ ଥିବା ବୈଦେଶ୍ଵର ଥାନାର ଅଧିକାରୀ ଏବଂ କର୍ମଚାରୀ ମଧ୍ୟ ନାଲିଆଖି ଦେଖାରୁ ବାଦ ପଡି ନଥିଲେ ! ତେବେ ଉପରିସ୍ଥ ଅଧିକାରୀ ପହଞ୍ଚି ତୁରନ୍ତ ସମାଧାନ ପାଇଁ ପ୍ରତିଶୃତି ଦେବା ପରେ ଥମିଲା ଉତ୍ତେଜନା ଏବଂ ହଟିଥିଲା ରାସ୍ତା ଅବରୋଧ ! ହେଲେ ଘଟଣାସ୍ଥଳରେ ଖବର ସଂଗ୍ରହ କରୁଥିବା ଜଣେ ଗଣମାଧ୍ୟମ ପ୍ରତିନିଧିଙ୍କୁ , ମଝି ରାସ୍ତାରେ ଅଟକାଇ ସ୍ଥାନୀୟ ସମିତି ସଭ୍ୟଙ୍କ ସ୍ୱାମୀ ଗାଳି ଗୁଲଜ କରିବା ସହ ଧମକ ଦେବା ନେଇ ବୈଦେଶ୍ଵର ଥାନାରେ ଲିଖିତ ଅଭିଯୋଗ ହୋଇଛି !
