ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ଅନନ୍ୟା ଫାଉଣ୍ଡେସନ ର ସେବାକାର୍ଯ୍ୟରେ ସାମିଲ ହେଲେ ସିନେ ତାରକା ସବ୍ୟସାଚୀ ଓ ଅର୍ଚ୍ଚିତା ! ଗତ କାଲି ରାତିରେ ସିନେ ତାରକା ତଥା ସମାଜସେବୀ ସବ୍ୟସାଚୀ ମିଶ୍ର ଓ ତାଙ୍କ ଧର୍ମପତ୍ନୀ ତଥା ନାୟିକା ଅର୍ଚ୍ଚିତା ସାହୁ ନୟାଗଡ଼ରେ ପହଂଚିଥିଲେ । ଉଭୟ ପହଁଚିବା ପରେ ଅନନ୍ୟା ଫାଉଣ୍ଡେସନ ତରଫରୁ ସ୍ୱାଗତ କରାଯାଇଥିଲା । ପରେ ବସଷ୍ଟାଣ୍ଡ ଓ ସହରର ଖୋଲା ସ୍ଥାନରେ ଶୋଇଥିବା କିଛି ନିରାଶ୍ରୟ ବ୍ୟକ୍ତି ମାନଙ୍କୁ ଶୀତ ବସ୍ତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ସମାଜସେବୀ ତଥା ସାମ୍ବାଦିକ ରଜତ ପଟ୍ଟନାୟକ ଉପସ୍ଥିତ ଥିଲେ । ପରେ ଅଭିନେତା ସବ୍ୟସାଚୀ ଅନନ୍ୟା ଫାଉଣ୍ଡେସନ ତରଫରୁ କରାଯାଉଥିବା କାର୍ଯ୍ୟକ୍ରମ ଗୁଡିକୁ ପ୍ରଶଂସା କରିଥିଲେ । ଆଗକୁ ଏଭଳି କାର୍ଯ୍ୟକ୍ରମ ଜାରି ରଖିବାକୁ ସବ୍ୟସାଚୀ ପରାମର୍ଶ ଦେଇଥିଲେ । ସବ୍ୟସାଚୀଙ୍କ ଏଭଳି ଗସ୍ତ ନେଇ ଅନୁଷ୍ଠାନର ସମସ୍ତ ସଦସ୍ୟ ଖୁସି ବ୍ୟକ୍ତ କରିବା ସହ ଧନ୍ୟବାଦ ଅର୍ପଣ କରିଥିଲେ । ସୂଚନା ଥାଉକି ଅନନ୍ୟା ଫାଉଣ୍ଡେସନ ତରଫରୁ ପଲିଥିନ ମୁକ୍ତ ନୟାଗଡ଼ ପାଇଁ ଯେଉଁ ପ୍ରୟାସ ଜାରି ରହିଛି ସେଥିପାଇଁ ସବ୍ୟସାଚୀ ନିଜର ସଦିଛା ବ୍ୟକ୍ତ କରିଥିଲେ ।
