ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଗାଲୁଆ ଛକ ଠାରେ ଗତ ୨୯ ତାରିଖ ଦିନ ଚୋରି ହୋଇଥିବା ନେଇ ବାଣପୁର ଥାନାରେ ଏକ ଅଭିଯୋଗ କରିଥିଲେ ରଜନୀ ପରିଡା । ରଜନୀ ପରିଡ଼ା ଙ୍କ ଘରେ ପରିବାର ଲୋକେ ନଥିବା ବେଳେ ଏହାର ସୁଯୋଗ ପାଇ ଘରେ ପଶିଥିଲା ଚୋର ! ଘରେ ଥିବା ଆଟାଜ ଭାଙ୍ଗି ନଗଦ କିଛି ଟଙ୍କା ନେଇଯାଇଥିଲା ଚୋର । ଲିଖିତ ରିପୋର୍ଟକୁ ଭିତ୍ତି କରି ଆଜି ପୁଲିସ ଅଭିଯୁକ୍ତ କୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲେ ବାଣପୁର ଥାନା ବଡହନ୍ତୁଆଡ଼ ଗ୍ରାମର ନାଉସାଦ ମିର୍ଜା (୨୨) ! ତାଙ୍କ ନାମରେ ଆଗରୁ ବହୁ ଚୋରି ମାମଲା ଥିବାରୁ ସେ ଆଗରୁ ଗିରଫ ହୋଇ ଜେଲ ଯାଇଥିଲେ । ଆଜି ପୁଣି ବାଣପୁର ଥାନା କେସ ନଂ- ୫୪୩/୨୨ରେ ଏକ ମାମଲା ରୁଜୁ କରି ଅଭିଯୁକ୍ତ କୁ କୋର୍ଟ ଚାଲାଣ କରିଥିବାର ବାଣପୁର ଥାନା ଅଧିକାରୀ ଜୟ ପ୍ରକାଶ ପରିଡା ସୂଚନା ଦେଇଛନ୍ତି ।
