ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ଯାଜପୁର ଜିଲ୍ଲା କଳିଙ୍ଗନଗର ଥାନା ଅନ୍ତର୍ଗତ ବାହିସାହି ଛକ ନିକଟରେ କାର ବାଇକ ଧକ୍କାରେ ବାଇକ ଆରୋହୀ ବାପ, ମା ଓ ପୁଅ ତିନିଜଣ ମୃତ । ଘଟଣା ସ୍ଥଳରେ ସ୍ଥାନୀୟ ଲୋକେ ଉତ୍ତେଜିତ ହୋଇ କାରରେ ନିଆଁ ଲଗାଇ ଦେଇଥିବା ଦେଖିବାକୁ ମିଳିଛି । ସୂଚନା ମୁତାବକ କଳିଙ୍ଗନଗର ଥାନା ଅନ୍ତର୍ଗତ ଚାନ୍ଦିଆ ଗ୍ରାମପଞ୍ଚାୟତ ଅଙ୍କୁରାପାଳ ଗ୍ରାମର ଗୋଲଖ ଚନ୍ଦ୍ର ଲାମାଏ ତାଙ୍କ ସ୍ତ୍ରୀ ଓ ନାବାଳକ ପୁଅକୁ ନେଇ ବନ୍ଧୁ ଘରକୁ ଯାଇ ରବିବାର ସନ୍ଧ୍ୟା ସମୟରେ ନିଜ ବାସଗୃହକୁ ଫେରୁଥିବା ସମୟରେ ବାହିସାହି ଛକ ପାଖ ମୁଖ୍ୟ ରାସ୍ତାରେ ଏକ କାର ଦୁର୍ଘଟଣାରେ ଘଟଣାସ୍ଥଳରେ ଗୋଲଖ ଚନ୍ଦ୍ର ଲାମାଏଙ୍କର ମୃତ୍ୟୁ ହୋଇଥିଲା ! ସ୍ତ୍ରୀ ନନ୍ଦିନୀ ବଦରା ଓ ନାବାଳକ ପୁତ୍ର ସତ୍ୟସାଇ ଲାମାଏ ଙ୍କର ସ୍ଵାସ୍ଥ୍ୟ ଅଵସ୍ଥା ଗୁରୁତର ଥିବା ବେଳେ ତାଙ୍କୁ ସ୍ଥାନୀୟ ଆମ୍ବୁଲାନ୍ସ ଯୋଗେ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ବେଳେ ସୋମବାର ସକାଳୁ ସେଠାରେ ମା ଓ ନାବାଳକ ପୁତ୍ରର ମୃତ୍ୟୁ ହୋଇଥିବା ସୁଚନା ମିଳିଛି । ଏହି ଘଟଣାରେ କଳିଙ୍ଗନଗର ପୋଲିସ କେସ ନଂ 4 / 22 ରେ ଏକ ମାମଲା ରୁଜୁ କରି କାର ଚାଳକ ମୁକୁନ୍ଦପୁର ବାସିନ୍ଦା ସୁଜିତ ସିଂ କୁ ଆଜି ସୁକିନ୍ଦା ବିଚାର ବିଭାଗୀୟ ଅଦାଲତକୁ ପଠେଇ ଦେଇଥିବା ଜଣାଯାଇଛି ।
