ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ଦୀର୍ଘ ଦିନର ବ୍ୟବଧାନ ପରେ ନୟାଗଡ ଅବକାରୀ ବିଭାଗକୁ ମିଳିଲା ବଡ ସଫଳତା ! କାର ଓ ଜିପ ରେ ଫୁଲବାଣୀ ରୁ ଭୁବନେଶ୍ୱର କୁ ଗଞ୍ଜେଇ ଚାଲାଣ ବେଳେ ନୟାଗଡ଼ରେ ଜବତ ! ଗଞ୍ଜେଇ ବୋଝେଇ କାର ଓ ଜିପ ଜବତ ସହ 3 ଜଣଙ୍କୁ ଗିରଫ କରିଛି ଅବକାରୀ ବିଭାଗ ! ଜବତ ହୋଇଥିବା ଗଞ୍ଜେଇ ପ୍ୟାକେଟ ର ଓଜନ 22 କେଜି ହୋଇଥିବା ବେଳେ ଏହାର ଆନୁମାନିକ ମୂଲ୍ୟ 28 ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି ! ସୂଚନା ଅନୁଯାୟୀ ଫୁଲବାଣୀ ରୁ ଭୁବନେଶ୍ୱର କୁ ଦିନ ବେଳେ ଗଞ୍ଜେଇ ଚୋରା ଚାଲାଣ ହେଉଥିବା ସୁରାକ ପାଇଁ ଅବକାରୀ ବିଭାଗ ପକ୍ଷରୁ ନୟାଗଡ଼ ସହରରେ ଚଢ଼ାଉ କରାଯାଇଥିଲା ! ନୟାଗଡ଼ ସହର ଦେଇ ଗଞ୍ଜେଇ ଚାଲାଣ ହେଉଥିବା ବେଳେ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଅବକାରୀ ବିଭାଗର କର୍ମଚାରୀଙ୍କ ହାତରେ ଧରାପଡିଲା ଗଞ୍ଜେଇ ବୋଝେଇ କାର ଏବଂ ଜିପ ! ଏହା ଭିତରେ ଥିଲା 22 କେଜି ଗଞ୍ଜେଇ, ଏହି ଘଟଣାରେ 3 ଜଣକୁ ଗିରଫ କରିଛି ଅବକାରୀ ବିଭାଗ ! ଅଭିଯୁକ୍ତ ମାନେ ହେଲେ ରବି ଦିଗାଲ ,ଶରତ ଦିଗାଲ ,ବନିତା ଦିଗାଲ, ସମସ୍ତ ଅଭିଯୁକ୍ତ ଘର କନ୍ଧମାଳ ଅଞ୍ଚଳରେ ! ସେମାନେ ଭୁବନେଶ୍ୱର ରେ ରହି ବିଭିନ୍ନ ସ୍ଥାନକୁ ଗଞ୍ଜେଇ ଚାଲାଣ କରୁଥିବା ଅବକାରୀ ବିଭାଗ ପକ୍ଷରୁ କୁହାଯାଇଛି !
