ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ନୟାଗଡ ନିକଟସ୍ଥ ଦୁର୍ଗାପ୍ରସାଦ ଗ୍ରାମରେ ଅତି ଧୂମାଧମରେ ନୂତନ ମହାବୀର ଏବଂ ଜଳେଶ୍ୱର ମହାଦେବଙ୍କ ମନ୍ଦିର ପ୍ରତିଷ୍ଠା ଅନୁଷ୍ଠିତ ହୋଇଅଛି l ଦୁର୍ଗାପ୍ରସାଦର ସମସ୍ତ ଗ୍ରାମବାସୀଙ୍କ ଉଦ୍ୟମରେ ମାତ୍ର ପାଞ୍ଚ ମାସ ପନ୍ଦର ଦିନ ମଧ୍ୟରେ 60 ଫୁଟ ଉଞ୍ଚାର ମହାଦେବ ମନ୍ଦିର ନିର୍ମାଣ ହୋଇଅଛି l ମନ୍ଦିର ପ୍ରତିଷ୍ଠାରେ ସମସ୍ତ ଗ୍ରାମବାସୀ ଯୋଗଦେବା ସହିତ ଏକ ବିଶାଳ କଳସ ଶୋଭାଯାତ୍ରା ବୋଦାପଡା ଡାହୁକା ନଦୀ ନିକଟରୁ ଜଳ ଉଠାଇ ନୟାଗଡ ସହର ପରିଭ୍ରମଣ କରି ଗ୍ରାମକୁ ଆସି ସମ୍ପୂର୍ଣ ଗ୍ରାମ ପରିଭ୍ରମଣ କରିଥିଲେ l ଏଭଳି ଶୁଭ କାଯ୍ୟରେ ଆଖପାଖରେ ଥିବା ସମସ୍ତ ଗ୍ରାମର ଜନସାଧାରଣ ଯୋଗ ଦେଇଥିଲେ l ମନ୍ଦିର ପ୍ରତିଷ୍ଠା ଅବସରରେ ନୟାଗଡ ରାଜା ରାମେଶ୍ୱର ସିଂ ମାନଧାତା ଯୋଗ ଦେଇଥିଲେ l କାର୍ଯ୍ୟକ୍ରମ ଅବସରରେ ସନ୍ଧ୍ୟା ସମୟରେ ପ୍ରବଚନ ସମାରୋହ ଅନୁଷ୍ଠିତ ହୋଇଛି , ଯେଉଁଥିରେ ଦ୍ୱିତୀୟ ଦିନରେ ପଣ୍ଡିତ ପାର୍ଥସାରଥୀ ଏବଂ ତୃତୀୟ ଦିନରେ ପଣ୍ଡିତ ଜିତୁ ଦାସ ଯୋଗଦେଇ ନିଜର ସାଧୁବାଣୀରେ ଶ୍ରଦ୍ଧାଳୁ ମାନଙ୍କର ମନ ଜିଣିଥିଲେ l ସମସ୍ତ ଗ୍ରାମବାସୀଙ୍କ ମିଳିତ ସହଯୋଗରେ ଏହି କାଯ୍ୟକ୍ରମ ସୁରୁଖୁରୁରେ ସମ୍ପନ୍ନ ହୋଇଛି l ମନ୍ଦିର କମିଟି ସଦସ୍ୟ ରବୀନ୍ଦ୍ର କୁମାର ଜେନା ସମସ୍ତ ଶ୍ରଦ୍ଧାଳୁ , ଶୁଭେଛୁ ଏବଂ ଗ୍ରାମବାସୀ ଙ୍କୁ ଧନ୍ୟବାଦ ଅର୍ପଣ କରିଛନ୍ତି !
