ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସାରା ଓଡ଼ିଶାରେ ଡ୍ରାଇଭର ମହାସଙ୍ଘ ପକ୍ଷରୁ ବିଭିନ୍ନ ଦାବି ନେଇ ଆନ୍ଦୋଳନ ଜାରି ରହିଥିବା ବେଳେ ଦ୍ଵିତୀୟ ଦିନରୁ ପେଟ୍ରୋଲ ଡିଜେଲ ସଙ୍କଟ ନେଇ ସାଧାରଣ ଲୋକେ ହଇରାଣ ହେଉଥିବା ଦେଖିବାକୁ ମିଳିଛି । ନିତ୍ୟ ଆବଶ୍ୟକୀୟ ସେବା ବାଧାପ୍ରାପ୍ତ ନହେବା ପାଇଁ ପୂର୍ବରୁ କୁହା ଯାଇଥିଲେ ମଧ୍ୟ ଏହି ଆନ୍ଦୋଳନରେ ସବୁ କିଛି ବନ୍ଦ ହୋଇଥିବା ଦେଖିବାକୁ ମିଳିଛି । ଏହି ଧର୍ମଘଟରେ ଡିଜେଲ ଓ ପେଟ୍ରୋଲ ଆସୁଥିବା ଡିପୋ ଗୁଡ଼ିକ ଖୋଲାଥିଲେ ମଧ୍ୟ ତେଲ ନେଇ ଯାଉଥିବା ଟ୍ୟାଙ୍କର ଡ୍ରାଇଭର ମାନେ ଏହି ମହାସଂଘରେ ସାମିଲ ଥିବା କାରଣରୁ ପେଟ୍ରୋଲ ପମ୍ପ ଗୁଡ଼ିକୁ ତେଲ ଆସି ପାରୁନାହିଁ ! ସୁକିନ୍ଦା, ଡୁବୁରୀ ଅଞ୍ଚଳରେ ତେଲ ପାଇଁ ଉତେଜନା ଦେଖା ଦେଇଛି। ଆସନ୍ତା କାଲି ଯଦି ଟ୍ୟାଙ୍କର ନଚାଲେ ତେବେ ପରିସ୍ଥିତି ଆହୁରି ଗୁରୁତର ହେବ ବୋଲି ଆଶଙ୍କା କରାଯାଉଛି ।
