ଟାଙ୍ଗୀ ( ଆୱାଜ ମିଡ଼ିଆ ) – ରାକେଶ ସାହୁ : ଅତ୍ୟଧିକ ଗରମରୁ ରକ୍ଷା ପାଇବା ପାଇଁ ପୋଖରୀରେ ଗାଧୋଇବା ହେଲା କାଳ । ପୋଖରୀ କୁ ଗାଧୋଇବା କୁ ଯାଇ ପୋଖରୀରେ ବୁଡି ଜଣେ ନାବାଳକର ମୃତ୍ୟୁ ହୋଇଥିବା ଜଣା ପଡ଼ିଛି । ମୃତ ନାବାଳକ ହେଲେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଭଜାଗଡ ଗ୍ରାମର ଡମ୍ବରୁ ବାରିକଙ୍କ ପୁଅ ଆଲୋକ ବାରିକ ବୟସ ୧୦ ବର୍ଷ । ନାବାଳକ ଆଲୋକ ସ୍କୁଲ୍ ରୁ ଫେରି ସାଙ୍ଗ ସାଥି ମାନଙ୍କ ସହ ଘର ନିକଟସ୍ଥ ପୋଖରୀକୁ ଗାଧୋଇବା ପାଇଁ ଯାଇଥିଲା । ପୋଖରୀରେ ଗାଧୋଇବା ବେଳେ ଗଭୀର ଜଳକୁ ପଳାଇ ଯିବାରୁ କୂଳକୁ ଫେରି ପାରିନଥିଲା ଆଲୋକ । ପରିବାର ଲୋକେ ପୋଖରୀରେ ବହୁ ଖୋଜାଖୋଜି ପରେ ନାବାଳକୁ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ନାବାଳକ କୁ ଡାକ୍ତର ମୃତ ଘୋଷଣା କରିଥିବା ଜଣା ପଡ଼ିଛି । ଟାଙ୍ଗୀ ପୋଲିସ୍ ମୃତ ନାବାଳକର ଶବକୁ ଜବତ କରି ତଦନ୍ତ କରୁଥିବା ସୂଚନା ମିଳିଛି ।
